Do Bravú ao liño. Así de diversa é a formación que reciben os alumnos IES Maximino Romero de Lema de Baio (Zas). Gracias á implicación de mestres e pais e nais, poden ir coñecendo cousas alén dos libros, e no noso arredor hai moitas cousas que levar adiante.

Esta semana, un grupo de 4º ESO, acompañados polos profesores Ana Martínez e Antonio Díaz Amor, realizaron onte unha visita ao obradoiro-exposición que os Amigos do Liño teñen no Castelo de Vimianzo para escoitar as explicacións de Carme Riveiro sobre o proceso de manufacturación das prendas de liño.

A presidenta da asociación fixo unha didáctica exposición percorrendo todo o proceso dende que a planta é sementada ata chegar á prenda elaborada, incidindo non só en cuestións procedimentais senón tamén en cuestións, éticas, estéticas e económicas.

A actividade está encuadrada nun proxecto interdisciplinar chamado "A paisaxe agraria na Terra de Soneira" na que participan varios departamento do IES baiés.

Novas relacionadas

• O liño mantén vivo o Castelo de Vimianzo.

Máis novas do centro baiés

• Os alumnos de Baio volven ao Bravú.
• O IES de Baio cumpe 20 anos.
• Unha Semana Cultural de cine no IES de Baio.
• Íntegro animou aos alumnos de Baio a sacarse o Pasaporte Solidario.
• A Illa do Lixo. Unha nova xoia audiovisual do IES de Baio.
• A bitácora da semana (CXLIX): Blog de Antropoloxía do IES Maximino Romero de Lema
• O IES de Baio coida o patrimonio natural dende casa ata o Parlamento Europeo.
• O IES de Baio aprende en todas as frontes.

Fonte

• Redacción de QPC (info@quepasanacosta.gal).
• Información e Fotos de Antonio Coté, membro da Comisión de Cultura do IES Maximino Romero de Lema de Baio-Zas.