Sempre son emotivos os actos da Fundación Gonzalo López Abente, pero cando ademais o evento tórnase unha volta ás aldeas da infancia, Muxía cobra unha cor especial. O pasado sábado o Salón do Volunariado acollía a entrega do III Premio de Poesía GLA que este ano recaeu na poeta coruñesa Emma Pedreira co poemario S/T (Sen Terra).

Moi emotivas foron os poemas de Emma, que recolle esa visión dunha rapaza de aldea que vive nunha cidade e que perdeu as súas imaxes, os seus lugares de infancia. Unha realidade que sempre foi unha constante triste na nosa emigrante comarca, como en todo o país.

Ademais, estivo presente tamén o poeta Laureano Xaquín Araújo, autor premiado o ano anterior pola obra “Os días condenados”, e que non puidera na entrega daquela, por encontrarse en Alemaña.

O xurado do Premio formado polos poetas Modesto Fraga, Miguel Mato Fondo e Rivadulla Corcón detacou a calidade dos libros premiados.

A conferencia do acto recaeu en Xosé Luis Vilela Conde, director de La Voz de Galicia. O xornalista nado en Muxía e que aprendeu a ler de pequeno nos poemarios de López Abente que súa nai tiña como devocionarios.

Para acompañar o acto estiveron o coro Virxe da Barca e as pandareteiras Abaladeiras de Muxía que interpretaron con talento poemas do autor muxián.

Novas relacionadas

• III Premio: Emma Pedreira, galardoada co III Premio López Abente
• II Premio: A Fundación López Abente presentou o poemario do seu II Premio.
• II Premio: A Fundación López Abente xa ten o II Premio de Poesía.
• I Premio: Daniel Salgado leva o compromiso aos versos gañadores do I Premio de Poesía López Abente.
• Modesto Fraga presenta o seu novo libro cheo de Fisterranía.
• Os versos de Miro Villar musicados en clave indie.
• Unha Unidade Didáctica para coñecer quen é López Abente na escola.
• Música, flores, escultura, pintura e moita poesía polos 50 anos sen López Abente.
• 50 aniversario do pasamento (I): Homenaxeando ao poeta dende “O meu mar”.
• Viki Rivadulla estreou entre versos amigos a exposición do seu mar.
• López Abente xa ten a súa partitura.
• Muxía reivindícase como epicentro cultural e rebelde da Costa.
• Muxía recupera a prosa salgada de López Abente.
• O Batallón Literario da Costa da Morte revive na rede.

Fonte

• Fundación Gonzalo López Abente.
• Fotos de XanFernández Carrera.