Imprimir

Recunchos da Costa: O hórreo de Lira

que pasa na costa | 02 de novembro de 2019

Seguro que a día de hoxe aínda te preguntas cal é o horreo máis longo de Galicia?. Pero non, non é o de Lira, nin o de Carnota. O máis longo de Galicia está en Araño, no concello de Rianxo, se ben os hórreos carnotáns completan o podio.

O de Lira mide 36,53 metros, medio metro menos que o da Barbanza, e polos 34,74 metros do de Carnota. En canto aos pés, ambos contan con 22 pares de pés.

Os dous hórreos son do chamado estilo de Noia, que abrangue dende a ría de Arousa ata o Xallas, e como sabemos, servían para almacenar o millo. O de Lira foi construído entre 1779 e 1814. O de Carnota é algo máis vello (foi feito entre 1763 e 1783), pero 11 pares de pés son produto dunha ampliación posterior.

O singular pombal e a Igrexa de Santa María de Lira (séc. XVII) completan o complexo, aderezado por unhas vistas impresionantes do Atlántico, do Monte Pindo, da praia de Carnota e a insunuante silueta de Fisterra á fronte.

Horrel de Lira Recuncho da CostaPes do Horreo de LiraIgrexa e Pombal no Horrel de Lira

Como chegar

Novas relacionadas

RECUNCHOS DA COSTA

Podes ver este artigo na próxima dirección /articulo/carnota/recunchos-da-costa-horreo-lira/20191101115344114587.html


© 2019 que pasa na costa

COPYRIGHT 2019 QUE PASA NA COSTA