30 palilleiras de Camariñas, descendentes das Palilleiras do Titanic, amosan a súa arte en Vigo

15:32 17/06/16

Fermosa foto histórica das Palilleiras de Encaixe de Camariñas

A Mostra deste ano recuperou a relación do encaixe camariñán co mesmo Titanic. Unha historia que ten aínda moitas cousas por contar, como esta fantástica fotografía que nos trae a Fundación Titanic. E precisamente esta entidade vén de invitar a trinta "palilleiras" de Camarillas, todas elas descendientes das "palilleiras" que, fai 104 anos, confeccionaron os encaixes que se afundiron na noite do 14 de abril de 1912 nas bodegas do Titanic, a unha en Vigo.

Este sábado sábado, ás 14:00h da tarde, formarán parte da "Titanic The Reconstruction", a exposición sobre o "buque dos soños", que se pode visitar na Estación Marítima do Porto de Vigo, e nese marco realizarán unha demostración de como se conserva a tradición "palilleira" de todo un pobo.

Na exposición, onde coa axuda de obxectos, documentos e imaxes orixinais cóntase, na voz dos seus protagonistas, a historia do Titanic, reprodúcese tamén una das bodegas de carga do barco, onde se pode ver unha caixa no bico dos pés de Camariñas, igual á que viaxaba nas bodegas do mítico buque, onde se poden ver, xunto a unha carta orixinal, os encaixes cedidos polo Concello da localidade coruñesa e pertencentes ao seu Museo.

No documento de embarque de carga do "buque dos soños" figura soamente unha carga de orixe española: Unha caixa de encaixes de Camariñas que, desde esta poboación coruñesa enviábase desde Londres aos Angeles, vía Nova York, dirixida a un comerciante americano.