Despois de que o pasado sábado os alcaldes da Costa da Morte tomaran posesión dos seus cargos comezan a chegar as primeiras protestas. A primeira delas prodúcese en Camariñas despois de que Pichurri volvese a coller o bastón de mando tras gañar por maioría absoluta.

Segundo un comunicado remitido onte aos medios de comunicación, o BNG de Camariñas opónse á elección como alcalde de Manuel Valeriado, do PSOE. O motivo desta posición é "por non ser quen de desenvolver unha política municipal de defensa e promoción do noso concello, porque que quedou dabondo demostrado estes anos non ser capaz de mellorar o nivel de vida dos veciños e veciñas a través de políticas que xeren emprego (campañas a prol do comercio, turismo, feiras locais,...)", segundo recolle o comunicado.

Dende o punto de vista dos nacionalistas, Pichurri realizou no seu anterior mandato diversas obras e actuacións sen contar cos veciños e veciñas de Camariñas. Polo tanto, manifestan que os representantes do BNG na xunta de goberno local exercerán unha oposición construtiva levando a cabo "propostas e alternativas para mellorar a vida da xente; exercendo así un férreo control sobre todo o que se fai e se gasta dende o concello e pelexando para que as propostas recollidas no noso programa se leven adiante".  Por último, dende as filas do BNG califican a Manuel Valeriano de ser un "alcalde déspota".

Novas das Eleccións #24M

• A caída do PP e unha alcaldesa, os principais cambios das eleccións municipais
• Poucas sorpresas de última hora e moitas caras novas nos plenos de investidura da Costa da Morte
• A previa dos plenos de investidura
• 5 concellos seguen pendentes das negociacións para posibles pactos.
• APIN-SON e BNG garantirán a investidura de Lois Carballido como novo alcalde de Ponteceso.
• O PP podería perder ata 6 alcaldías.
• 3 pactos para non deixar ningún azul en Coristanco, Laxe e Ponteceso.
• 10 maiorías absolutas, 5 do BNG, 3 do PSdG e 2 do PP, e 8 concellos quedan pendentes dos pactos.
• 3 pactos para non deixar ningún azul en Coristanco, Laxe e Ponteceso.
• A importancia de 36 votos en Corcubión e dos pactos en Fisterra.
• CxG ten a chave do goberno de Muros.
• Dous posible pactos teñen en vilo Santa Comba.
• 10 maiorías absolutas, 5 do BNG, 3 do PSdG e 2 do PP, e 8 concellos quedan pendentes dos pactos.
• Os grandes nomes das Eleccións Municipais do #24M.
• Resultados das Eleccións Municipais 2015 na Costa da Morte.