A familia do Casino1889 mobiliza á sociedade carballesa cunha xuntanza e a invitación ao pleno

Redacción
21 de novembro de 2025 (07:04 h.)

O próximo luns 24 de novembro, hai pleno en Carballo e o PSOE local presentará unha moción para incluir o edificio do Casino no Catálogo do PXOM, coa intención de protexelo urbanísticamente.

Non tardou a familia do Sociedade Recreativa e Cultural Bergantiños Casino1889 en mobilizarse, e animar á veciñanza á achegarse ao pleno para facer presión.

Pero antes, a entidade convoca unha xuntanza aberta para este venres 21, ás 21:00 horas, no propio Casino para trasladarlle á veciñanza toda a información recollida dende que fixeron as solicitudes de protección a Concello e Xunta de Galicia: Xuntanzas con representantes do Concello, informes da Xunta e técnicos municipais, alegacións da propiedade, documentación atopada recentemente que achega información importante ás nosas solicitudes, a diferencia entre aquela declaración institucional aprobada polo Concello de Carballo no lonxano 2017 e a moción que agora se presenta a pleno, como será a asistencia ó mesmo do público interesado e, por suposto, atender tódalas vosas dúbidas.

A familia do Casino ten claro o ”interese social por conservar o Casino abrangue á maioría social a maiores das socias, o mesmo que a antigua igrexa, tristemente derrubada, trascendía ó interese exclusivo dos seus feligreses”. E así o refrenda as case 3.000 sinaturas recollidas, así como aquel espíritu do 2018 no que a participación das persoas non socias foi decisiva para acadar máis de 70.000 € nunha semana e poder interpor a demanda de retracto.

HISTORIAL SOBRE O XUÍZO DO CASINO

Etiquetas
urbanismo casino1889