A Asociación Casino 1889 afronta combativa a senteza xudicial sobre o edificio

09:25 01/04/23

Dende o pasado mes de xullo levaba a comunidade veciñal xerada arredor do Casino 1889 de Carballo esperando a resolución do xuízo sobre a propiedade do centenario edificio. E chegaba esta semana, cunha sentenza que permite á propiedade especular co edificio e desestima a demanda da Asociación, que non o dereito retracto para recuperar a propiedade, chegou fóra de prazo, ademais da na suposta rescisión do contrato de arrendamento en xullo de 2016.

Unha sentenza que que consideran “desfavorable para o Casino, como asociación, e para todas as persoas que fan do Casino o que é, un espazo vivo e para tod*s, pero, sobre todo, é desfavorable para Carballo, que volve a ver ameazado outro lugar de valor, da mesma forma que, no seu día, a casa de Chinto, os antigos Baños Vellos ou o Cinema Ideal, espazos aos que agora só temos acceso en fotografías”.

En calquera caso, a entidade non quere falar de “derrota” e non se rende, e asegura que vai apelar a decisión. Por iso convocan unha asamblea de socias e socios o vindeiro día 14 de abril para “compartir opinións, estar xuntas e coller forzas”. No seu comunicado fan fincapé en que, de chegar a ser a asociación propietaria do edificio, o seu compromiso continúa a ser o de seguir traballando para completar a súa restauración e que sexa un espazo para a vila.

As causas da sentenza

Explican que é certo que a documentación foi ao seguinte día hábil do prazo, pero aseguran que así cumpren cos tempos establecidos polo Tribunal Supremona na sentenza de data 29 de abril de 2009 (Recurso 511/2004). Por outra parte, na propia sentenza, con respecto ao arrendamento, recoñécese que o Casino non só continuou pagando o aluguer, senón que, en agosto de 2018, incluso se recibiu a notificación, por parte da propietaria, para continuar facéndoo, noutra conta, a partir do mes de outubro dese ano.

Deste xeito, e ao ser só unha cuestión de forma, cren que a parte importante que é o prezo, e que malia que a propiedade nun primeiro momento indicou 70.000€ (que xuntaron gracias á aportación de ducias de veciños) a empresa Horta do Casino SL dixo que foi unha confusión e que o prezo real é de 360.000€, unha cifra que para a Asociación é asbolutamente irreal.