Chega cargado o Entroido de Carnota, no que as asociacións e as parroquias teñen moito que contar. Por Carnota o día grande será o venres 13. Por Lira, o sábado 14 toca Festa Hortera, mentres por Lariño levaransnos a Marte, e polo Pindo toca desfile sesentero.
O domingo será o día do concurso de disfraces do Pindo, e o sábado 21 toca enterro da sardiña en Lariño.

Venres 13 de febreiro

Na praza de San Gregorio a partir das 16:30 h Festa Infantil con inchables e obradoiros na carpa. Ás 18:30 h comezará o desfile de comparsas e disfraces pola rúa (dende a praza ata as Breas e ata a farmacia da Carrasqueira para volver ao punto de partida). Haberá premios en metálico ás 3 comparsas máis orixinais e divertidas (300 €, 200 € e 100 €) e agasallos aos 10 mellores disfraces individuais e infantís, todo ao son da charanga “Os Tabernícolas do Leiradal”. A partir das 20:00 h, chocolatada e biscoitada para todos, para seguir coa festa nocturna coa música dun dúo e dun D.J. Todo organizado polo Concello e polos veciños e negocios de Carnota.

Sábado 14 de febreiro

• En Lira, a partir das 17:00 h, a Asociación Canle traerá ata Portocubelo un concurso de disfraces, inchables, xogos, etc. para os máis pequenos. A partir das 20:00 h, a FESTA HORTERA máis orixinal na lonxa; haberá karaoke, troula e concurso de entroidos.
• En Lariño, a partir das 16:00 h, a Asociación Insua paseará polas rúas levándonos “A – MARTE (EN TEMPOS REVOLTOS)” para rematar cunha representación teatral no seu local social sobre as 18:30 h, e logo chocolatada para todos.
• No Pindo, ás 17:30h, a Asociación Pedramar organiza un desfile de comparsas dos anos 60 e 70. Á noite, cea e karaoke no local do Sinal (previa reserva)

Domingo 15 de febreiro

Ás 18:00 h, no Pindo a Asociación Pedramar fará un concurso de disfraces na Solaina.

Luns 16 de febreiro

Na Casa do Concello: obradoiro de disfraces e maquillaxe de circo de 11:00 -13:00 h.

Mércores 18 de febreiro

Na Casa do Concello: obradoiro de antefaces e caretas de 11:30 -13:00h

Sábado 21 de febreiro

Ás 19:30 h, en Lariño, A asociación A Insua celebra o enterro da sardiña, dende as escolas ata A Pía (onde se queimará). Música e queimada a cargo do Bruxo da Costa da Morte, para despedir o Entroido 2015.

Novas relacionadas

• Entroido O Pindo 2012: A sátira invadíu os entroidos de Carnota, Lira e O Pindo.
• Entroido O Pindo 2010: Hollywood toma o entroido do Pindo.
• Entroido Carnota 2010: Menudo entroido o carnotán.

Máis novas

• A tradición dos Enterros de Entroidos na Costa da Morte.

Entroido 2015

• Cee volve centrar o entroido no Sábado de Piñata.
• Un entroido de pinchos en Muxía.
• Vimianzo e Baíñas disfrutarán dun doble e gran entroido.
• Dumbría prepara o seu certame de Comparsas dende Ardebullo.
• O Entroido de Fisterra xa ten pregoeiro.
• O Faustino e o Farruco camiñarán xuntos por primeira vez.
• Ponteceso e Corme terán unha fin de semana de Entroido de vertixe.
• A Mikaela ponse de curto.
• Unha gran cea para invitar á Mikaela ao Entroido 2015.
• Comeza o arrecendo a entroido polo Pindo e Fisterra.

Fonte

• Redacción de QPC (info@quepasanacosta.gal).