Vén de facer públicos a Academia do Audiovisual Galego, os finalistas para as 25 categorías dos Premios Mestre Galego 2015. Uns Premios que ollan este curso á gran pantalla, coa presencia ata en 16 candidaturas de A Esmorga, e en 11 de Os Fenómenos.

Precisamente, a presencia de ambos proxectos déixanos varios finalistas costeiros. O máis destacado, o carnotán Miguel de Lira, que comparte ademais nominación cos seus compañeiros de “troulga”, Antonio Durán “Morris” e Karra Elejalde.

Mentres, no filme Os Fenómenos temos a Xosé Touriñán, moi vencellado á nosa bisbarra, que chega como finalista a Mellor Actor de reparto, ademais tamén disfruta da nominación como Mellor Comunicador, e as nominacións de dous proxectos moi seus como A Casa da Conexa (candidato a Mellor Programa TV cas Cantareiras de Ardebullo como protagonistas; e tamén aspira á Mellor realización) ou Era Visto!, no que ademais particia o mazaricán Federico Pérez Rey, que é finalista á Mellor SerieTV, ademais de Mellor Son, e Dirección de produción.

Pelexará Touriñán polo premio de Mellor Comunicador por Fernanda Tabárez (de VTelevisión), Marga Pazos (do Telexornal) e coa corcubionesa Marta Doviro. A presentadora do programa da TVG “Máis galego” pega un salto na súa promoción con esta nominación.

Costeiros en series de éxito

Serramoura conta con 9 presenzas entre os finalistas (Serie TV, Interpretación feminina protagonista, Interpretación masculina de reparto (2: Antonio Mourelos, Monti Castiñeiras), dirección, guión, dirección de fotografía, música orixinal, son). Unha serie da TVG que conta con numerosos actores costeiros, como os ceenses Toño Casais, Artur Trillo ou a corcubionesa Sara Casasnovas. Tamén nas series, destaca Pazo de Familia, onde traballa o ceense Rubén Prieto, que optará a 3 premios (Serie TV, Interpretación feminina protagonista, vestiario).

Ademais, na categoría de Serie Web, atopamos un finalista con acento costeiro. A proposta “Clases de lo Social”, ten como protagonistas a Carlos Blanco e ao malpicán Santi Romay.

Máis información

• Todos os Finalistas aos Premios #MestreMateo15 [pdf].

Novas relacionadas

• #MestreMateo14: 3 premos, un para Miguel de Lira, para a Costa da Morte nuns Mestre Mateo con sabor a Pico.
• Os MaríaCasares convertíronse nun furancho por Pico.
• #MaríaCasares13: Os mellores actores de Galicia son da Costa.
• “As Cantareiras de Ardebullo naceron sendo de Verdillo”.
• #MestreMateo11: Os Crebinski triunfan nos Mestre Mateo.

Novas cinematográficas

• Os Fenómenos, outro filme de produción galega con participación costeira.
• A Esmorga, no Top 10 da carteleira a nivel estatal.
• Os Crebisnky de Miguel de Lira triunfan nos Mestre Mateo.
• A Costa da Morte de Lois Patiño prepara a carreira polos Goya.
• O filme Costa da Morte, Premio Especial 2015 dos Premios Feroz.
• Unha documental de percebes e boulder.
• Illados, unha nova documental sobre a idiosincrasia da Costa da Morte.
• Un solpor peregrino ao son do chelo.
• As mellores webseries de España, premiadas no Carballo Interplay.
• Unha historia de Cráneos e Ósos na DeadCoast.
• Sicixia, a primeira película que se rodará integramente na Costa da Morte.
• “The Way” tamén chega á Costa .
• “A Mariñeira” enche os cines de Cee.

Fonte

• Redacción de QPC ([email protected]).