Xa comezaron os traballos da Xunta para intentar evitar as escorrentías no Monte Pindo. Unhas escorrentías que poden facer chegar as cinzas, coa contaminación consecuente, ata zonas marisqueiras como a Berberecheira de Caldebarcos.

A técnica chámase "air-mulching", e os traballos consisten basicamente en guindar pallas sobre o monte dende helicópteros. Así, como soa. Durante estes luns, martes e mércores, a Xunta está guindando 3,5 toneladas de palla de trigo (14 pacas de 250 quilos) sobre unhas 40 hectáreas de superficie queimada do Monte Pindo, "para axudar a cicatrizar as feridas do lume". Como vemos na imaxe, tomaron o Mirador de Louredo como base de operacións.

A idea é que a palla sirva de cuberta para o solo, evitando así o deterioro ante o golpeteo da chuvia, que provoca disgregacións no terreo, e ademais, aseguran que mellora a infiltración da terra, retendo máis auga no monte para evitar que filtre demasiada auga.

Ante as dúbidas que xenera esta nova práctica, dende a Xunta e a televisión pública galega, non paran de reiterar que se trata dunha técnica "pioneira" e "de probada eficacia contra a erosión do chan".
Preguntamos a especialistas como o enxeñeiro forestal e xefe de brigada Jorge Pérez, e nos conta o seguinte: "Esta técnica (O air-mulching, orixinaría nos Estados Unidos, onde todo e ó grande) ten dous defectos: o altísimo custe, debido ó gasto dos helicopteros; e que precisa de apoido de efectivos en terra co cal só se pode usar en lugares accesibles. Isto non soluciona o principal problema do Monte Pindo no que as maiores pendentes estan en zonas innacesibles. Sen embargo, se esta técnica esta avalada pola escola forestal de Lourizán (moi prestixosa e con bos docentes) e por diversos estudios debemos concederlle o beneficio da dúvida. A primavera nos dirá!

Aquí vos deixamos un exemplo desto mesmo, e dos traballos realizados:

Novas sobre incendios

• Apadriña unha árbore no Monte Pindo.
• 07-10-13: Os berros do Monte Pindo contra os lumes chegan a Compostela.
• 29-09-13: Medio millar de bravos berran en verde por un Monte Pindo Parque Natural.
• Hermanager Humor: O lume de ouro.
• Leö Kch berra en silencio polo Monte Pindo.
• Unha mirada ao futuro do Monte Pindo. E agora que?.
• Novo berro de auxilio dende Quilmas.
• A AMEGA, en contra da devastación dos nosos montes.
• 18-09-13: Saltan as muxicas da crispación arredor do Monte Pindo.
• 16-09-13: A Comunidade de Montes de Caldebarcos e a Cooperativa de Quilmas alzan a voz dende a terra queimada.
• 15-09-13: Existe unha verdadeira investigación policial sobre o incendio?.
• 14-09-13: Acabou o inferno. Toca traballar na recuperación, reflexionar e investigar.
• 14-09-13: O lume máis devastador chega ao Ézaro mentres o pobo se fractura.
• 13-09-13: Continúan as lapas ameazando o Pindo e ao Ézaro cando chegan as primeiras reflexións.
• 12-09-13: Un incendio arrasa o Monte Pindo e obriga a desaloxar varias aldeas de Carnota.

Fonte

• Redacción de QPC ([email protected]).