Volveu ser invadida a Escola de Música de Cee polos cogumelos. Unha vez ao ano, e xa dende hai 13, polo outono, os cogumelos, os prezados alimentos salvaxes da Costa da Morte substitúen aos instrumentos musicais para dar conta da riqueza da nosa bisbarra.

E a Asociación Micolóxica Pan de Raposo segue convertindo en tradición a micoloxía, unha ciencia pouco explorada pola zona ata a chegada do novo milenio. As XIII Xornadas Micolóxicas Costa da Morte volvían acoller unha exposición, de novo, con arredor das 200 especies de cogumelos, "con especies realmente interesantes", como recoñece un dos seus organizadores e colaborador coa columna micolóxica en QPC, José Manuel Castro Marcote.

As xornadas foron moi ben, con moita xente os dous días, con moita xente de fora da comarca e incluso con peregrinos, que se decataron de que este era un punto que non podían saltarse para achegarse a Fisterra. Serviron ademais para que a Asociación fixese novos socios e recibise a visita de vellos amigos.

Fermosos foron os traballos dos máis pequenos da vila da Xunqueira, que participaron cos seus debuxos, e seus traballos plásticos sobre como entenden a micoloxía e a natureza en xeral.

Foron moi interesantes as visitas guiadas dos especialistas pola exposición, que impartiron o propio Marcote o sábado e Manuel Pose Carracedo, como vemos na foto, o domingo.

Tamén foron moi interesantes as charlas máis específicas. Tivo que suspenderse a primeira, a de José María Costa Lago polo falecemento dun familiar. Si puido falar César Pérez sobre a especie “Silvopastoreo na serra do Barbanza”. E o domingo tocoulle o turno a Chemi Traba Velay sobre “O xénero Russula”, e de Francisco Lema, Chisco, cos seus vídeos sobre a “Natureza da Costa da Morte”.

Novas relacionadas

• Cantares de Cego: Os alimentos salvaxes da Costa da Morte.
• Os cogomelos retrasan a súa saída.
• Unha mirada micolóxica dende a Costa da Morte para Galicia.
• Marcote: “A cultura micolóxica da zona experimentou un gran cambio nos últimos anos”.
• Xornadas Micolóxicas 2012: Unha viaxe musical polo reino fungui con Pan de Raposo.

Nocións micolóxicas con José Manuel Castro Marcote

• Cogomelos de Coresma.
• Champiñóns.
• Lepiotas mortais.
• Os donos dos cogomelos silvestres.
• Coas cousas de morrer non se xoga.
• Clauthrus Archeri, un cogomelo curioso.
• Macrolepiotas.
• Fungos insecticidas.
• Fungos e cogumelos.
• Intoxicación con cogomelos.

Novas micolóxicas

• 500 cogumelos de Galicia dende as páxinas da Costa da Morte.
• Contra as fumigacións agresivas.
• 500 cogumelos máis nun novo libro micolóxico con semente da Costa.
• A Costa da Morte no centro da micoloxía de Galicia.
• Marcote presenta en casa o seu novo libro de cogumelos dunares.
• Xa está a venda a terceira edición de “Cogomelos de Galicia”.

Outras novas

• Os Vídeos naturais de Francisco Santiago López.

Fonte

• Redacción de QPC (info@quepasanacosta.gal).