Máis de 10 millóns fan falta para a creación da nova Estación Depuradora de Augas Residuais de Cee e Corcubión. O primeiro paso, despois da aprobación dunha partida nos Orzamentos municipais de Cee, é a aprobación por parte da Xunta da licitación da redacción do proxecto construtivo da nova EDAR.

A Xunta pon 348.000 euros e o Concello o pon a disposición os terreos que ocupará en Fornelo, en fronte da actual estación, por un custe de 22.000 euros.

Ponse en marcha un camiño que debería ter comezado hai moitos anos. Agora, coa cofinanciación da Unión Europea, a través do programa operativo do Fondo europeo de desenvolvemento rexional FEDER, a resolución á eterna problemática do saneamento da ría de Corcubión.

Histórico sobre o problema do saneamento na ría de Corcubión

• Novembro 2019: Preguntan á Comisión Europea se existe financiamento para o saneamento da ría de Cee e Corcubión.
• Abril 19: Ana Miranda: “É unha prioridade consignar orzamento para a limpeza desta praia e o saneamento da ría de Corcubión”.
• Marzo 19: A contaminación da ría de Corcubión, de volta ao Parlamento Europeo.
• Outubro 17: O BNG insta á Xunta a que inclúa nos orzamentos o saneamento da ría de Corcubión.
• Maio 17: A contaminación da ría de Corcubión volve ao Parlamento Europeo.
• Febreio 15: O BNG reitera no Parlamento o informe sobre o estado da ría de Cee-Corcubión.
• Outubro 14: O BNG pregunta no Parlamento pola ría de Corcubión.
• Febreiro 13: O BNG esixe o saneamento integral da ría de Corcubión.
• 2011: Unha ría eternamente pechada.