A escritora Guadalupe Vázquez Formoso recibiu o martes 19 de setembro na Sede da Deputación de Pontevedra en Vigo, o premio do Concurso de Relato Curto de AFAGA polo seu relato “Voa, Avoa” na categoría de galego. Un certame entregado por esta entidade sen ánimo de lucro que trata de mellorar a vida de persoas e familiares con alzheimer.

No acto de entrega Olga Milla, membro da xunta directiva de AFAGA, deu a benvida e presentou ás persoas gañadoras do concurso, estando Guadalupe presente e o outro vencedor, Lucas Naranjo, por videochamada.
De seguido, deu paso á intervención de Marta Fernández Tapias, vicepresidenta primeira da Deputación de Pontevedra e Deputada de Cultura, que agradeceu o labor de AFAGA e tamén aos 160 participantes no certame, de maneira especial aos gañadores, mencionando tamén a idea dunha publicación que conteña os relatos gañadores de todas as edicións do certame. 

Olga Milla deu paso despois á lectura do relato en castelán, por parte de Lucas Naranjo, gañador do relato en castelán titulado "Cuélebre”, e á lectura do relato en galego, "Voa, avoa", por parte da autora Guadalupe Vázquez Formoso, en sala. 

Novas relacionadas

• Xuño 23: Guadalupe Vázquez, gañadora dun premio do IX Concurso de relatos curtos de AFAGA.
• Abril 23: As pequenas fillas da Ruña.
• Marzo 23: “Filla da Ruña” é o novo libro de Guadalupe Vázquez Formoso.
• Marzo 23: Guadalupe Vázquez rescata na casa a historia e a riqueza fonética de Quilmas.
• Febreiro 2023: Guadalupe Vázquez arrincou en Cee a súa xira de presentacións dos "Contos de Quilmas”.
• Dcembro 22: Guadalupe Vázquez Formoso non para de publicar e estrea a súa novela “Conto de Quilmas”.
• Novembro 22: A terceira aventura do Saltarín de Guadalupe Vázquez dase polo Monte Pindo:
• Guadalupe Vázquez Formoso fixo voar ducias de Saltaríns.
• A mestra Guadalupe Vázquez leva a pequenos e grandes ata a Fin da Terra co seu segundo conto “Saltarín”.