Anunciou este sábado a dirección de XEAL, o que chama un “ambicioso plan de investimentos de 28 millóns, 14 para cada unha das dúas divisións da compañía, ferroaleacións e enerxía”. Sinala que xa ten en marcha varias obras, por 1 millón de euros, de “adecuación e ampliación dos sistemas de control medioambiental nun dos seus fornos de silicomanganeso”, un dos fornos que seguen parados nunha fábrica de Brens que traballa ao 8% da súa capacidade.

Se ben as obras rematarán a finais do segundo trimestre, a empresa asegura que están encadradas no “plan de futuro anunciado pola compañía de investir na división de ferroaleaciones 14 millóns de euros durante os próximos cinco anos, atendendo aos seus catro eixes estratéxicos: seguridade, medioambiente, coidado de activos, e eficiencia e produtividade”.
A empresa afirma que "na división de ferroaleaciones están previstas uns investimentos de 3,5 millóns de euros no ano 2021, adicionais aos 1,8 millóns de euros xa executados durante 2020. E na división de enerxía está previsto investir 4,5 millóns de euros adicionais aos 1,3 millóns de euros xa executados durante o 2020".

”Chapa e pintura”

Deficiencias na fábrica de Brens

Dende o Comité, que levan meses solicitando o devandito Plan de Viabilidade (con mediación da Xunta), non se cren as cifras. Ademais de lamentar terse que enterar pola prensa dun plan destas características, lembra que “o millón de euros será para reparacións, non para inversións”, pois denuncia que o estado da planta de Brens é lamentable.

Para o Comité as obras redúcense a traballos de “chapa e pintura”, e lamentan que “non se fala da posta en marcha dos fornos parados”, polo que entenden que se trata de “propaganda”. Iso si, ”as únicas inversions que fan para o proceso produtivo está dedicada a eliminación de postos de traballo”, denuncia.

NOVAS DO CONFLITO #FERROATLÁNTICA

• 05-02-2021: Denuncian que XEAL non compra materia prima a pesar de que remata o ERTE.
• 23-01-2021: Outro venres ás portas da fábrica de Brens esperando a chamada da Xunta.
• 15-01-2021: Os traballadores de XEAL denuncian que a produción das fábricas non chega ao 10%
• 13-01-2021: "XEAL volve evidenciar o seu único interese polo substancioso negocio enerxético”.
• 12-01-2020: As mobilizacións do Comité de XEAL volveron ás portas da fábrica
• Os traballadores de XEAL usan o lote de Nadal para dinamizar o comercio local.
• 29-11-2020: Os traballadores de XEAL seguen enchendo as rúas de loita social.
• 21-11-2020: Os traballadores de XEAL non descansan e manteñen o seu calendario de mobilizacións.
• 18-11-2020: O TSXG asegura a vinculación das fábricas e a produción eléctrica de XEAL.
• 14-11-2020: O persoal de XEAL segue esixindo, na rúa, o Plan de Viabilidade.
• Outubro 2020O Comité na rúa mentres XEAL asegura ter investido 6 millóns en seguridade nas fábricas.
• 23-10-2020: A Xunta confírmalle ao Comité que XEAL incumple as esixencia da administración.
• 16-10-2020: Conflito XEAL: Outro venres máis na rúa.
• 10-10-2020: As mobilizacións dos traballadores de XEAL poñen o foco na Xunta.
• 07-10-2020: Os traballadores de XEAL pídenlle aos rexedores que non fiquen “pasivos ante o desmantelamento das fábricas”.
• 02-10-2020: O Comité de XEAL pediulle á Xunta que actúe xa ante o "desmantelamento" das fábricas.
• 25-09-2020: “O que está a pasar nas fábricas da antiga Ferroatlántica é unha farsa e unha estafa”.