Xoves. 09.12.2021
El tiempo

Lémbranlle á Xunta a “condición esencial” do mantemento da actividade industrial nas concesións hidráulicas de XEAL

Mobilizacion do Comite de XEAL
Mobilización deste venres do Comite de XEAL ás portas da fábrica de Brens
Lémbranlle á Xunta a “condición esencial” do mantemento da actividade industrial nas concesións hidráulicas de XEAL

Aguantou o temporal e os traballadores das fábricas de XEAL non faltaron á súa mobilización dos venres. Se onte era o Comité o que valoraba a reunión coa Consellería, hoxe é a CGT o que quere amosar a súa opinión sobre a resposta da Directora Xeral de Planificación Enerxética e Recursos Naturais, Paula Uría Traba, para tratar de buscar unha solución a situación na que se atopa actualmente XEAL.

A CGT tamén trasladou á xunta a complicada situación da planta: “escasa actividade nas fábricas, redución de empregos directos e indirectos, ERTE, ausencia do Plan de viabilidade, etc..”

E dende a CGT consideran que “a maiores do Plan de viabilidade, é primordial concretar dunha vez por todas, o que se entende por mantemento da actividade industrial e dos empregos nunha comarca. Condición esencial prevista nas concesións hidráulicas que Xeal está a explotar”.

A CGT tamén recorcou que “a empresa leva beneficiándose das concesións dende o 1992, pero o emprego sempre foi en descenso ata chegar ao punto no que nos atopamos. Polo que lle solicitamos a Xunta que actúe de forma inmediata. A Directora Xeral valorou positivamente a proposta da CGT e comprometeuse a traballar nesa liña”, apuntan dende a CGT.

NOVAS DO CONFLITO #FERROATLÁNTICA

comentarios