A Asociación de Armadores de Artes Menores de Galicia (Asoar – Armega) celebra hoxe un acto de entrega do primeiro premio Golfiño Solidario. Trátase dun galardón para premiar aos rapaces e ás rapazas que participaron nas tarefas de voluntariado en limpeza de praias durante este verán de 2012. A cita celébrase na Casa da Cultura de Corcubión a partir das 17:00h. Con esta actividade chega o punto final dun verán de xornadas de voluntariado na limpeza de praias, no que os cativos foron os protagonistas. A iniciativa desenvolveuse en diferentes praias e espazos costeiros da Costa da Morte. Recolléronse uns vinte sacos de lixo por hora e xornada, un dato que interpretan dende a Asoar que é a mostra do grave deterioro das nosas costas. Un toque á sociedade Limpar foi o principal obxectivo das xornadas, pero tamén dar un toque de atención á sociedade en xeral sobre a necesidade de protexer e coidar o entorno do mar. O premio será un detalle de cerámica elaborado por Nacho Portoe un diploma. Logo haberá merenda. Colaboran na homenaxe Galicia en Color e Siavi S.L.

Novas relacionadas

• Limpando os grans de area.
• A Costa da Morte implícase coas Xornadas Medioambientais e fai unha nova limpeza no Rostro.
• Os Voluntarios seguen a limpar as praia da Costa da Morte.
• “Hoxe, limpamos outro Prestige”.
• Entrevista con Nacho Castro: “Sen os voluntarios…, morremos”.
• Unha documental de Isabel Coixet con acento da Costa pola Marea Blanca.

Máis novas