“É por ser muller”, isto é, pola condición de xénero, que as mulleres se están a facer cargo do ‘traballo reprodutivo’ desde un sentido amplo, que engloba o conxunto de traballos que sosteñen a vida diaria da sociedade: o traballo doméstico, mais tamén os servizos públicos de saúde, de educación, da dependencia, do socio-comunitario, da igualdade ou do acceso á vivenda. Traballos precarizados ou non remunerados e que constitúen unha das grandes fendas de desigualdade por causa de xénero, segundo cifras que nos últimos anos achegan diversas fontes.

Mais a programación do 8M da Deputación, como xa vén sen tradición nos últimos anos, é un programa que se expande ao longo do tempo, durante os meses de marzo e abril, e ao largo do territorio. Así, continuará con palestras, mesas de diálogo e espectáculos musicais na Coruña, Cambre, Betanzos, Ordes, Arzúa, Oroso, Carballo, Cabanas e Zas.

A primeira cita será na tarde do venres10 de marzo, das 16h ata as 19:30h, nas instalacións da AC Alexandre Bóveda. Participarán nunha conversa para dar voz á situación dos dereitos laborais en sectores feminizados”, encabezada por Marisol Gómez do SAF de Vilagarcía e por Ángeles Mille, secretaria da Asociación de Redeiras Profesionais O Fieital de Malpica representando a ANMUPESCA. Como moderadora intervirá Mariola Mourelos.

E rematará co espectáculo “O benquererse”, a cargo de AldaoLado, no que Lucía Aldao e María Lado abordan os temas dos coidados e a precariedade a través das súas propias vivencias persoais. Como vén sendo habitual nas súas propostas, mesturan poemas, música e historias para facer visibles as desigualdades que as mulleres siguen atopando na vida pública e privada. Botando man do humor, falan do patriarcado, do feminismo, da discriminación de xénero, do concepto do amor romántico, e do amor a unha mesma.

Crónicas do 8M

• #8M: Unha cadea de mulleres por Marupe e por todas as mulleres

 

NOVAS DO 8M

• Ponteceso: #8M: Feminismo en pé convoca a gran mobilización feminista de Bergantiños:
• Corcubión: Un obradoiro para mulleres, dous para nen@s e unha andaina para o 8M de Corcubión.
• Santa Comba: #8M: Unha 8M de documental en Santa Comba.
• Cee: #8M: As mulleres de Cee teñen moito que contar.
• Carnota: 8M: As mulleres de Sonlilá homenaxean a Marupe cunha cadea de mulleres.
• #8M: Buserana conversa sobre a vida real das mulleres
• 8M Carballo: "Na nosa contorna máis inmediata hai mulleres que son referentes nas súas profesións” (entradas esgotadas)
• 01-02-2023: Carnota chora o pasamento de Marupe.
• 8M 2022: Unha cadea humana sobre a praia de Carnota para simbolizar a forza das mulleres.