O próximo sábado 8 de xuño é o Día Mundial dos Océanos e o vindeiro 3 de xullo toca celebrar o Día Internacional Libre de Bolsas de Plástico. E se varias entidades da zona xa se teñen adherido á Limpeza simultánea de Praias de Adega para o vindeiro sábado, por Carnota, os escolares terán unha semana enteira adicada ao coidado do noso mar.

Da man da xente de O Canto da Balea, os alumnos e alumnas de 5º e 6º curso do CEIP de Carnota disfrutarán de numerosas actividades, nun programa que funde estas dúas problemáticas mundiais e locais nunha xornada de reflexión e creatividade sobre o noso papel como consumidores e a repercusión que teñen os nosos hábitos de vida e de consumo sobre o medio ambiente.

"Nun concello como Carnota que vive principalmente dos recursos pesqueiros e posúe unha profunda tradición mariñeira, paga a pena defender e conservar o medio mariño", recoñece a súa organizadora Rita Pesqueira.

Así, durante a semana do 3 ao 8 de xuño realizaranse diferentes actividades como proxección de documentais, limpeza de praia e un concurso de “artelixo” no que os escolares serán os artistas que transformen o lixo en obras de arte, para concienciar á poboación sobre esta problemática, e reincidir na importancia da reciclaxe.

Xa o sábado día 8 ás 11h expoñeranse as obras “artelixo” no porto de Lira e ás 12h entregarase o premio.

Novas relacionadas

• A Costa da Morte súmase de novo á Limpeza simultánea de Praias.
• Unha praia Nemiña chea de papaventos negros tamén lembrou á Marea Branca do Prestige.
• Un estudio rubrica a existencia de toneladas de galletas de chapapote en Nemiña e o Rostro.
• Limpando os grans de area.
• Nova limpeza voluntaria da praia de Carnota.
• 135 alumnos recollen máis de 500 quilos de lixo dos areais da Costa da Morte.
• Os veciños do Pindo fan de voluntarios e tamén limpan a praia.
• Os surfistas limpan as praias que os concellos non coidan .
• “Hoxe, limpamos outro Prestige”.

Fonte

• Redacción de QPC (info@quepasanacosta.gal).