O pasado 13 de abril, tras cumplirse un mes do estado de alarma, a dirección de XEAL implementou un Expediente de Regulación Temporal de Emprego na empresa, a pesar de non chegar a un acordo co Comité de Empresa. Un ERTE que atinxe á metade dos traballadores, os que están durante os turnos de 14 días nos seus domicilios pasando a corentena preventiva, e que se extenderá mentres dure a “situación excepcional”, pero nunca máis do 3 de xullo.

Un ERTE que para os traballadores non debería exisitir, pois ademais de ser considerada como unha Industria Esencial, o seu principal cliente, Ferroglobe, segue producindo ao 100%, e ademais a sección de ferroaliaxes tamén produce para o sector farmacéutico e alimentario. Lembran ademais que “o 2020 está rexistrando récords en xeración de enerxía nas centrais cuns beneficios salientábeis de arredor de 5 millóns de euros ao mes durante o inverno”.

Dende a Dirección aseguran que cubrirán o 100% dos seus soldos, pero dende o Comité valoran moi negativamente esta medida. Consideran o ERTE como “unha fraude”, e critican que “a empresa só quere aproveitarse da crise sanitaria para aforrar cartos e avanzar no plan de recorte da produción”. Dende o Comité aseguran que as fábricas viven un proceso de “paralización progresiva da actividade dos fornos”, como se comprobou o 13 de marzo, días antes do estado de alarma, cando a dirección apagaba os fornos 12 e 21 deixando só dous dos 5 fornos en funcionamento.

O Comité lamenta que a empresa non se comprometa con ningún plan reactivación dos fornos nin poñer en marcha o Plan de Viabilidade. Foi máis alá o Comité denunciando á dirección ante a autoridade laboral (Consellería de Traballo) por non terlle entregado unha copa da acta do periodo de consultas.

O comité levara adiante todas cantas accións legais sexan posíbeis para evitar que se efectivice unha medida que compromete a viabilidade das fábricas e a propia seguridade do persoal.

NOVAS DO CONFLITO #FERROATLÁNTICA

• 13-04-20: O Comité de XEAL pide aos alcaldes compromiso ante o ERTE.
• O Comité de XEAL denuncia que a dirección mantén traballando persoal de grupos de risco.
• 10-03-2020: XEAL explicou, cos traballadores na rúa, o seu plan de futuro aos rexedores da comarca.
• 05-03-2020: O comité de Ferroatlántica pídelle implicación real aos alcaldes e alcaldesas da comarca.
• 02-03-2020: O persoal de Ferroatlantica mantén o calendario de mobilizacións contra o desmantelamento das fábricas.
• 20-02-2020: O Comité de Ferroatlántica considera un acto progapandístico o cambio de nome.
• Febreiro 2020: Ferroatlántica ata cambia de nome.
• Febreiro 2020: Os traballadores de Ferroatlántica volveron concentrarse ás portas da fábrica de Brens.
• Febreiro 2020: As fábricas de Ferroatlántica están ao 30% da súa capacidade de fabricación.
• 02-02-2020: Unha nova concentración baixo a auga con triple obxectivo.
• Xaneiro 2020: 17 novos despedimentos caldean o amibiente para a nova concentración dos traballadores de Ferroatlántica.
• Xaneiro 2020: Os Traballadores de Ferroatlántica volven á rúa este venres.
• Xaneiro 2020: Traballadores de Ferroatlántica viaxaron a Madrid á manifestación polo estatuto da Industria Electrointensivs.
• Decembro 2019: Ferroatlántica avisa de que o resultado da poxa enerxética pode provocar unha baixada da produción.
• Decembro 19: Ferroatlántica reclama unha tarifa eléctrica competitiva para as industrias electrointensivas.
• Poucas variacións no Comité tralas eleccións sindicais de Ferroatlántica de Cee-Dumbría-CCHH.
• 17-10-19: A Xunta recoñece que Ferroatlántica si ten que presentar un plan de viabilidade como lle viña esixindo a CIG.
• 09-10-19: Ferroatlántica: Un novo martes ás portas do Concello de Cee.
• 02-10-19: A Xunta sobre Ferroatlántica: “O único que aconteceu nas últimas semanas foi unha transmisión de accións”.