Esta pasada semana, a Asociación Costa da Morte GDR presentou na casa da cultura de Vimianzo o proxecto #acostadasmulleres2020. Un proxecto audiovisual que busca amosar as experiencias e vivencias de 9 mulleres da Costa da Morte, continuando o legado do ano pasado, cando coñecíamos a historia de 8 mulleres costeiras.

O GDR xa ten contratada á empresa audiovisual e estanse escollendo mulleres con historias singulares, que demoostran o importantísimo no desenvolvemento social, económico e cultural do lugar que habitamos.

Con esas 9 historias crearase un documental con todas estas historias en torno A Costa da Morte, para impulsar e sensibilizar a importancia da muller no rural.

Outra liña do proxecro centrarase na igualdade de xénero con actividades, material audiovisual e xornadas para impulsar esta iniciativa.

A Costa das Mulleres 2019

• Josefa Carrera, ex percebeira: “Toda a miña vida foi traballar coma unha negra”.
• Mª Teresa Ferreira, sobre a asociación Neira Marcos: "Marcoume moitísimo”.
• Dorinda Moledo, gandeira: “Ás empresas pequenas esíxennos moito”.
• Isabel Tomé, docente: “A xulgar por ex alumnos, creo que non o fixen mal”.
• Lucía e Liana Quintela, futbolistas carnotás: "Deberíamos xogar todos e todas”.
• Florentina Atán, ex taxista: "Non me aceptaban os compañeiros”.
• Carmen Riveiro, artesá zaense: "Eu son muller e se non gano, empato”.
• A Costa das Mulleres: A historia de Dolores Fernández.
• "A Costa das Mulleres" preséntase polo Día Internacional das Mulleres Rurais.