“Somos familias aos que se nos está negando o dereito a unha sanidade pública digna”
Representantes políticos do PSOE e do BNG da comarca amosáronse en primeiras filas, pero as verdadeiras protagonistas eran as familias que levan sufrindo durante anos un trato desigual con respecto ás familias das cidades. Familias de Cee, Dumbría, Carnota, Corcubión, Fisterra, Vimianzo, Muxía, Camariñas, Zas, Mazaricos…. familias de toda a comarca unidas nesta loita común.
Vanessa Camafreita, responsable da Coordinadora Zas sen recortes en pediatría, a primeira plataforma en unirse aló por setembro de 2018, lembrou os recortes que lamentablemente nos unen a tod@s @s veciñ@s da comarca, como os do transporte público, os de dependencia ou os recortes en sanidade, que hoxe xuntou centos de persoas en Cee. “Non somos nin dun Concello nin doutro. Somos familias aos que se nos está negando o dereito a unha sanidade pública digna”, resaltou Camafreita.
Campaña de sinaturas
A plataforma aproveitou a para continuar coa campaña de recollida de sinaturas que xa máis dun mes en marcha por toda a comarca. A finais deste mes de febreiro farán o primeiro reconto polas ducias de establecimentos que están colaborando na colleita.
Vanessa Camafreita recollendo a sinatura do mesmo Anton Leston-Foto- Rafa Quintáns
Novas relacionadas cos recortes en pediatría
- Febreiro 2020: Carnota volve quedar sen pediatra, polo menos, ata marzo.
- 18-02-20: Feijoo escoitou as demandas das familias de Fisterra contra o precario servizo de pediatría.
- Febreiro 2020: A Costa da Morte tamén berrou por unha Sanidade Pública Digna en Compostela.
- Febreiro 2020: O BNG presenta mocións nos Concellos para dar solucións aos problemas de pediatría.
- Xaneiro 2020: A marcha das pediatras de Cee e Camariñas, e a baixa do de Fisterra, complican aínda máis o mapa pediátrico costeiro.
- Xaneiro 2020: O precario servizo de pediatría na Costa da Morte volve ao Parlamento Galego.
- 2020: As familias de Fisterra tamén se levantan pola falta de pediatra.
- Xaneiro 20: O PSOE carballés leva ao pleno a carencia de pediatras e falta de solucións por parte da Xunta.
- Xaneiro 20: Comezan unha campaña de recollida de sinaturas por un servizo de pediatría digno na Costa da Morte.
- O 2020 comeza con novos recortes no servizo de pediatría de Zas.
- 2019: Como é o estado de saúde do servizo de pediatría en Cee?
