Comezaba unha nova folga este vindeiro luns 6 de febreiro para as traballadoras do Consorcio de Igualdade e Benestar. Centos de traballadoras de toda Galicia das residencias de maiores da Xunta e das Escoliñas Galiña Azul volverían saír á rúa para pedir que, despois de 10, 12 ou 14 anos traballando de xeito irregular pola falta de responsabilidade da administración, se lles regularizase a situación.

Unha nova Oferta de Emprego Público botaría pola borda todo o seu esforzo durante tantos anos.

Pero tras moitos meses de duras protestas, paróns e negociacións, o sindicato CNT vén de desconvocar a folga tras chegar a un acordo co Consorcio para comezar “unha negociación de boa fe” entre ambas entidades. O acordo deixa paralizadas as convocatorias de prazas do Consorcio incluídas na OPE 2020.

”Por fin, conseguimos que se sentaran a falar connosco”, sinalan as profesionais dos centros costeiros, esperanzadas de poder solucionar a especial situación de temporalidade estrutural do Consorcio.

A primeira reunión xa fixada para o día 15, será para a consideración de persoal a extinguir, que foi o proposto, dende un primeiro momento, nas diversas convocatorias de folga.

NOVAS RELACIONADAS

• 30-07-2021: As traballadoras do Consorcio volverán á folga en setembro se non se paraliza a OPE.
• Xuño 21: O TSXG emite unha sentenza sinalando que a Xunta incorre en fraude cos interinos de longa duración.
• 11-05-21: O Consorcio IeB segue sen negociar a pesar das sentenzas que determinan a fixeza de moitas traballadoras.
• 13-04-21: As traballadoras do Consorcio levan as súas demandas laborais ao Parlamento Galego noutra xornada de folga.
• 18-03-2021: As traballadoras do Consorcio endurecen a folga e refrendan o apoio da veciñanza.
• 04-03-2021: As traballadoras do Consorcio endurecen a folga.
• 25-02-2021: Usuari@s dos Centros de Día e as Escolas Infantís amosan o seu apoio á folga das traballadoras.
• 19-02-2021: As traballadoras temporais do Consorcio valoran moi positivamente a folga a pesar dos servizos mínimos abusivos.
• Ducias de profesionais dos Centros de Día e Escoliñas da comarca póñense en folga.