Xoves. 28.03.2024
El tiempo

Víctor Mosqueira, Dani Trillo e Martina Cambeiro, finalistas dos María Casares

  • O espectáculo infantil Wombo Combo, creado no marco do FIOT, completa o elenco costeiro
Finalistas PMC23
Foto d@s Finalistas aos PMC23 realizada está noite de mércores. Foto: La Diapo / AAAG
Víctor Mosqueira, Dani Trillo e Martina Cambeiro, finalistas dos María Casares

Os 3 finalistas da Costa da Morte que teremos o vindeiro 30 de marzo no Teatro Rosalía na gala dos XXVII Premios de Teatro María Casares, xa saben o que é levar o meirande premio da escena galega para casa.

O actor cormelán Víctor Mosqueira, con 30 anos de historia enriba dos escenarios con Mofa e Befa, xa leva sumando premios dende 1998, sendo o último o de 2018 por “A cabeza do Dragón”, de producións Teatrais Excéntricas.

A ceense Martina Cambeiro, especialista en vestiario e maquillaxe, vén de gañar en 2020 por “Vida de Cans”, de Talía Teatro, e en 2019 por “O servidor de dous amos”, tamén coa compañía costeira.

E o escenógrafo ceense Dani Trillo xa gañou o ano pasado por “Cigarreiras”, con Contraproducións e Teatre Romea, ademais do premio de 2017 por “Foucellas”, da súa compañía Talía Teatro.

Este ano os tres estarán na finalísima, como membros dalgunhas das producións máis nominadas:

Victor Mosqueira finalista Maria Casares 2023 con O Porco de Pe
Víctor Mosqueira, no centro, en O Porco de Pé

Víctor Mosqueira está nominado a Actor Protagonista por “O porco de pé”, de Producións Teatráis Excéntricas, que ademais leva outras 5 finalistas): espectáculo, adaptación-tradución (Quico Cadaval e Pepe Sendón), actriz protagonista (Patricia Vázquez), actor secundario (Evaristo Calvo) e vestiario (Carlos Alonso).

A Peste finalista ods Maria Casares 2023
En A Peste tamén participan o malpicán Santi Romay (á dereita) e o carnotán César Cambeiro (atrás de todo con biona)

Pola súa parte, Dani Trillo e Martina Cambeiro serán finalistas (o primeiro categoría de espazo escénico e a segunda polo vestiario) por “A Peste”, do Centro Dramático Galego, que tamén acodirán á finalísima pola adaptación-tradución (Cándido Pazó), e cunha candidata á actriz secundaria (María Roja).

Ademais, completa a participación costeira o espectáculo Wombo Combo, de Galeatro, creado ao amparo do FIOT, como candidato a Mellor Espectáculo Infantil.

Wombo Combo finalista Maria Casres 2023
Wombo Combo

Podedes ver a lista completa de finalistas das 15 espectáculos nominados en aaag.gal/mariacasares.

Crónicas do María Casares

Comentarios