O Festival Sereas e Piratas xa ten nova data
Outro dos festivais da Axenda Sonora da Costa da Morte que xa está en marcha é o Fastival Sereas e Piratas. Se xa coñecemos como vai ser o internacional VdeValarés, o electrónico Fermaz Festival ou o rockeiro #CasteloRock14, hoxe imos ata a praia de Razo, onde por certo van realizar unha campaña de dinamización turística en clave 2.0.
Pois a Asociación Cultural Rebeldía, tras 3 semanas de incertidume, tiveron a ben no día de hoxe anunciar a nova data de celebración do festival, pois tiveron que anular a inicial, o 12 de xullo, “por motivos alleos á organización”. Pois ben, vaian reservando o sábado 2 de agosto que o pop máis auténtico compartirá escenario coa natureza e co deporte.
I é que durante todo o día haberá actividades que fusionan as dúas paixóns que caracterizan este proxecto, que chega á súa novena edición: “a música e o surf, en mar ou en asfalto co skate”. Actividades que serán complementadas con volei-praia, a súa xa mítica sesión vermú, a exhibición de capoeira e un espazo adicado ós máis pequenos, protagonistas en tódolos seus proxectos, como o festival solidario que organizan no nadal "Os Reis Magos tamén Bailan Rock & Roll”.
Agora temos que esperar que a organización nos vaia filtrando algunha banda, pero de seguro que en breve sabemos algún que outro nome!
Máis información
Otras novas festivaleiras
- Dúas bandas rockeiras de referencia para internacionalizar o Festival VdeValarés.
- Mazaricos porase no panorama electrónico europeo co Fermaz Festival.
- Terbutalina e Los Gatillazo arrincan o #CasteloRock14.
Outras novas musiqueiras
- Os Trapos Sucios, gañadores do Rock in Río Tea.
- Nordés Project. Folk-pop ceense no Musicaula 2014.
- Corcubión bailou a ritmo do Rebumbio.
- Leö KCH: “O Rebumbio é bo para todos. A unión fai a forza”.
- O Colectivo Baidlafé demostra o potencial rapeiro da Costa cun novo videoclip.
- A Costa da Morte en clave de rap co carnotán Yeray Vázquez.
- Escolma de bandas costeiras – A Axenda Sonora da Costa da Morte segue crecendo.
Fonte
- Redacción de QPC ([email protected]).
