Ubaldo Cerqueiro de QPC, Cruz Negreira da USC, e Ana Conde de Teo Vivo, no Consello da Cultura Galega Os micromedios collen pulo na Internet galega. Así o constata o propio Consello da Cultura Galega trala xornada “Panorama de iniciativas culturais galegas na rede, que se desenvolveu onte e na que QPC foi unha das protagonistas. Ante unha sala chea de alumnos universitarios, profesionais de medios como Praza Pública, Galicia Confidencial, Sermos Galiza, Campo Galego, Teo Vivo, Que pasa na costa, Palabra Comum, A sega ou Gz Música amosaron que a media galega vai moito máis alá das grandes cabeceiras que sobreviven gracias as inxustas axudas públicas. Alumnos Universitarios nas Xornadas do Consello da Cultura Galega E foi unha experiencia moi positiva para xentes que son usuarios da rede, sobre todo a través de dispositivos móbiles, pero que ademais poderán ser protagonistas da comunicación nas vindeiras décadas. Os futuros xornalistas toparon cunha cara que se cadra non coñecían, esta serie de novos micromedios ou cabeceiras mantidas por usuarios ou pequenos grupos de particulares con dinámicas propias dun medio de comunicación. A versatilidade do traballador-emprendedor foi unha das cousas máis destacadas das xornadas, saíndo dos mitos da xornada laboral e os convenios. “Agora toca facer de todo”, explicaron Ubaldo Cerqueiro de QPC ou Ana Conde, do fermoso proxecto offline Teo Vivo. Ubaldo, pola súa banda, repasou a historia de QPC, analizou a súa estrutura, e destacou os puntos fortes que fan deste humilde diario dixital a gran referencia informativa na rede costeira: a atención ao Fútbol da Costa, e a #ComunidadeQPC, esa cantidade de colaboradores que comparten a información directamente con nós e que nos permiten chegar a cada parroquia. Esa idea de que o #XornalismoCidadán é unha realidade na nosa bisbarra é o meirande orgullo deste diario, xunto á redución da fenda dixital e a concienciación comarcal e medioambiental. Por todo, iso gracias por permitirnos seguir vivos tras 9 anos na rede.   Podedes ver a intervención de Ubaldo Cerqueiro a partir do minuto 1h25’.  

Máis novas QPC

• QPC, 9 anos creando unha Comunidade arredor da Costa da Morte.
• A Costa da Morte reduce a súa fenda dixital.
• Construíndo o futuro dos medios en galego.
• “Os medios en galego estamos moi ben posicionados pensando no futuro”.
• QPC como exemplo de experiencia empresarial para os alumnos do Obradoiro de Emprego.

Formación QPC

• QPC axudou a reducir a fenda dixital en Ponteceso.
• QPC achega á rede aos veciños de Corme e Ponteceso.
• QPC espalla o poder da rede entre os maiores de Dumbría.
• A rede une ás familias de Muxía.
• Muxía aprende a manexar as Novas Tecnoloxías en Igualdade.

Máis novas QPC

• Un bo ano para os medios en galego.
• QPC: 5 anos informando na Costa da Morte.
• Fotocolaboradores QPC: “Dende o seu punto de vista”.
• 2011: Un gran ano para QPC.
• II Encontro de Colaboradores QPC: Os colaboradores de QPC tomaron a palabra.
• QPC e outros medios lanzan a campaña Vitaminas par o Galego.
• QPC e Certo unen a Costa da Morte e a Barbanza.
• QPC exporta información da Costa da Morte a toda Galicia Confidencial.
• QPC segue crecendo e se afianza como unha referencia informativa na Costa da Morte.
• 1 millón de visitas, 1 millón de gracias.
• Repaso ao 2010 para QPC.
• A Costa da Morte no corazón das TIC galegas.
• I Encontro de Colaboradores QPC: QPC presentouse en sociedade.

Fonte

• Redacción de QPC ([email protected]).