Fin de semana completísima esta segudna de novembro na Costa da Morte con baloncesto, voleibol, balonmán, taekwondo, tenis de mesa, fútbol sala, surf e ata unha festa do Peón.

E tras ollar o parte de sancións, analizamos a xornada no fútbol da Costa. Comezando por arriba, pola Preferente, que abre o Soneira o sábado ante o Sada, equipo que só suma 6 puntos, e unha vitoria vimiancesa pode ser a tranquilidade para moitas xornadas. Ademais, o Dumbría visita Mugardos para seguir escadando, mentres que o Xallas de Santa Comba non pode perder máis o ritmo dos de arriba e ten que vencer ao Silva, equipo que de sorprender en Fontenla mesmo superaría aos xalleiros.

O que era o partido da semana na 1ª queda finalmente aprazado, e o derbi entre Ponteceso e Malpica xogarase o 06 de febreiro. Ademais, o Camariñas recibe ao Cacheiras para facerlle un favor ao Fisterra, mentres que o cadro de Juan Jesús, moi necesitado de puntos, visita ao filial do Bertamiráns.

Interesantes choques esta semana na 2ª, como ese Corme-Carnota que medirá as forzas dun aspirante en horas baixas co equipo revelación da temporada. Ademais, Miraflores acollerá un quente derbi entre Volantes e Muros, o primeiro oficial entre laranxas e celestes.

En 3ª, o sábado hai un máis que intenso Independiente-Ameixenda, que pode determinar moitas cousas. Ademais, o Camelle non pode perder co Castrelo se non quere perdelo tren. I é que o domingo, o Porteño terá que superar a visita de Arliña, ante un Muxía que cada día xoga mellor pero que aínda non consegue resultados, para seguir imbatido. O Cerqueda-Coristanco pasa por ser o choque máis igualado.

Haberá partidazos nas Ligas Xuvenís, como o Dumbría-XSC da mañá sabatina, ou o Cee-Fisterra da tarde. Polo norte, o Ponteceso-Malpica, será un partidazo.

Preferente, xornada 12

1ª Autonómica, xornada 11

2ª Autonómica, xornada 11

3ª Autonómica, xornada 11

• Descansa Alcaián.

Ligas Xuvenís, Gr.3, xornada 11

Ligas Xuvenís, Gr.4, xornada 11

Liga Galega Cadete, xornada 9

Liga Galega Infantil, xornada 10

1ª Cadete, xornada 3

1ª Infantil, xornada 8

• Descansa Esteirana.
• O Cee-Fisterra alterou a orde dos campos.



Ligas de Veteranos, xornada 9

1ª División

Bértoa	11/11 - 10:00	Soneira
Nantón	11/11 - 11:00	Coristanco
Castriz	11/11 - 11:00	Ponteceso
Vimianzo	11/11 - 11:00	Baio
Xv. Bergantiños	11/11 - 11:00	Cabana
San Lorenzo	11/11 - 12:00	Bergantiños
Zas	11/11 - 12:00	Camariñas
San Román	11/11 - 12:00	Corcubión Vet.

2ª División

At. Milagrosa	11/11 - 09:30	Muros
Dep. Carballo	11/11 - 10:00	Poniente
Buño	11/11 - 10:00	Laxe
Corcoesto	11/11 - 11:00	Sofán
Leiloio	11/11 - 11:00	Corme
Cerqueda	11/11 - 12:00	Agualada
Porteño	11/11 - 12:00	Malpica

• Descansa Camelle.



Fútbol Sala

- 2ª División Estatal: Despois da importante vitoria da semana pasada ante o Flaviobriga cántabro, as rapazas do Fisober reciben este fin de semana ó Guarnizo (Santander), no que será a 5ª xornada na 2ª División.
O partido disputarase o sábado ás 18:00 h no Polideportivo de Baiñas.

- Liga Provincial: O Concello de Ponteceso FSF dencassa, e o equipo filial do Fisober B enfrontarase ó Manureva o sábado ás 17:00 h no Municipal Ponte dos Brozos de Arteixo.
- Liga Provincial: Esteirana - BeArt 5 Coruña F.S.: 10/11/2012 ás 19:00 no Pabellon Jose Lago.

• O Fisober segue coñecendo a península… e ademais xa gaña.



Surf en Malpica

A cita coa 6ª Proba do Circuito Gallego Infantil e Xuvenil na praia de Area marior de Malpica será o vindeiro sábado día 10 de novembro.

• Malpica acolle unha nova propia de Surf para novas promesas.



Balonmán

- 1ª Autonómica Masculina: O vindeiro sábado no Pavillón municipal de Camariñas, O Areal, ás 17:30 horas presenciaremos un dos partidos mais decisivos desta primeira fase Conservas Boya – Rasoeiro do Grove.
- 1ª Autonómica Feminina: o sábado, tralo partido masculino, ás 19:00h, o Bm. Encaixe enfróntase ao S.A.R. de Redondela.
- 1ª Estatal: A vindeira xornada depara o derbi provincial co OAR Coruña, equipo que marcha por debaixo dos carballeses, e que logo dunha moi boa pretempada está a sufrir moito motivado polas baixas cas que tivo que iniciar a liga. O escenario: Pavillón San Francisco Javier, o sábado ás 18:30 horas.

• Boa semana para o balonmán en Camariñas.



Taekwondo

Este sábado Arte e Movemento acode ó Campionato Galego de Combate junior, que se celebra en As Pontes. E o fai con dous rapaces de 16 anos, Juan Alvarellos (Cee) e Cristian Domínguez (Cee). Sorte aos dous.




Baloncesto

O pavillón de Brens, a pista habitual da familia do ACB Costa da Morte, acolle este sábado 10 de novembro unha auténtica tarde de baloncesto:

- 16:00h Cadete masculino: Acb Costa da Morte - Arteixo.
- 18:00h: Infantil feminino: Acb Costa da Morte - Basquet Coruña Maristas A.
- 20:00h : Senior feminina: E.S.Bazarra Acb Costa da Morte - Fixagal María Pita.

• Comeza un ano completo de baloncesto para o ACB Costa da Morte.



Tenis de mesa

Incertidume nos encontros de 3ª pois os equipos teñen moitas variacións dun ano para outro. O Concello de Zas O Gaiteiro debe gañar para seguir liderando o grupo. O Concello de Zas O pInar pode dar a sorpresa no recen descendido Hípica a pouco que se confien.
En 2ª galega o Concello de Zas Aquacenit debería regresar con dúas vitorias e así colocarse no medio da táboa do seu grupo.

3ª galega grupo noroeste: Sábado as 17'00 h na Sociedade Hípica de A Coruña.
- Hípica Coruña "B" - Concello de Zas O Pinar.
- Domingo as 11'00 h en Andeiro (Cambre): Cambre Promesas - Concello de Zas O Gaiteiro.

2ª galega grupo centro: Domingo a partir das 9'30 h no pavillón municipal de Sigüeiro (Oroso):
Panadería Sigüeiro - Concello de Zas Aquacenit e a continuación.
Oroso Valoriza - Concello de ZAs Aquacenit.

• A canteira do tenis de mesa de Zas demostrou estar moi viva no Lalín Arena.



Voleibol

Este sábado 10 de novembro:
- Infantil femenino: 10:00h – CV Pontevedra – Manuela Rial. En Pontevedra.
- Infantil femenino: 16:00h – CV Boiro -Manuela Rial. En Boiro.
- Infantilmasculino: 16:00 h CV Boiro Manuela Rial. En Boiro.
- Cadete femenino: 17:30h – CV Boiro – Voleibol Dumbría. En Boiro.
- Xuvenil masculino: 17:30h: CV Boiro – Voleibol Dumbría. En Boiro.

• Xornada completa para os equipos de volei da zona.



Máis información

• www.futboldacosta.com.

Crónicas da semana

• Fisterra e Sofán sofren un duro parte de sancións.
• Xuvenís: Apretado no sur e fenda no norte.
• 3ª Autonómica: Porteño e Independiente escapan.
• 2ª Autonómica: Igualdade total e cambio de líder.
• 1ª Autonómica: Boa xornada pero puido ser mellor.
• Preferente: Empate cantado.
• Resultados dos 65 partidos da ponte dos Defuntos.

Artigos deportivos

• Alberto Pose: A armada costeira no Cerceda.
• O fútbol na Costa da Morte, un mar de paixón, con Héctor Pose: O Míster.
• Vídeoentrevista de Anxo Garrido con Javito.

Fonte

• Redacción de Deportes de QPC ([email protected]).