Xornada completísima esta da ponte dos Defuntos con 65 partidos no #futboldacosta.

Comezamos o repaso da crónica pola Preferente, que acollía o sábado o gran derbi entre Dumbría e Soneira. Como se xa estivera escrito, xusto empate que deixa as cousas como estaban, ben, a estas alturas. Ó que non lle foi tan ben foi ao XSC que caía na casa do lider, un Grixoa que escapa ante a derrota do Boiro co Silva. Os de Corredoira quedan 4º, por detrás do Bertamiráns a 3 puntos do Boiro e 8 do líder.

Na 1ª, resultados para todos os gustos, pero todos sumaron. Onte, o Fisterra e Camariñas deixaban escapar 2 puntos ante Lamela e Piloño respectivamente. As boas novas chegaron hoxe, con sendas vitorias do Malpica e do Ponteceso que deixan aos malpicáns 3º con 4 de vantaxe precisamente sobre o Villestro, que caía ante os pontecesáns. Os de Nacho soben ata a 8ª praza, mentres que Camariñas mantense 10º e Fisterra non sae da zona de perigo e queda 16º con 10 puntos, a 1 do descenso.

Na Liga da Costa, que sofre un cambio de líder, aprétase moitísimo a cousa por arriba. I é que entre o novo líder, e o 8º, hai só 6 puntos. A Esteirana vencía onte con rotundidade en Corcubión e aproveita a xusta derrota do Sofán en Carnota para auparse ao primeiro posto. Por detrás mantense o Cee, xa a só 2 puntos do liderato, e só con un punto sobre este sorprendente Carnota de Cambeiro. O Baio, tras vencer pola mínima en Buño, queda con 19 puntos, os mesmos que o Zas, que vencía ante o, sempre irregular, Castriz; e o Volantes, que vencía sufrindo ao Mazaricos en Miraflores. Ademais, o Corme, que non pasaba do empate ante un aguerrido Outes, queda a 6.
Por abaixo, ademais de comprobar a melloría, a pesar da derrota en Cee, do Dumbría B, o Cabana conseguía a segunda vitoria consecutiva onte ante un Muros que non se pode despistar. A vitoria do San Lorenzo o saca da zona de perigo, pero nin Buño, nun Mazaricos, nin Corcubión, nin Muros nin Outes podes descansar ante a mellría dos de abaixo.

A xornada na 3ª Autonómica, na que descansaba o Camelle, o Porteño aproveitou para estirar a táboa, vencendo, con incertidume ata o final, ao Corcoesto. Por detrás, a 4 puntos, mantén o ritmo o Independiente, que vencía cunha gran segunda metade en Baíñas. A fenda queda aberta xa co Camelle, a 4 dos carballeses, mentres que o Ameixenda queda a 6 tras empatar co filial fisterrán o sábado. Completan os postos da Liguilla de ascenso Soneira B e Cerqueda, que asinaban onte un empate en Vimianzo. O Nantón parece que comeza a carburar, e vencía ao Muxía e asoma a cabeza pola zona alta, igual que o Lira.

Nos Xuvenís, non fallaron os de arriba. Polo sur, Fisterra e XSC vencía con rotundidade a Esteirana e Corcubión. Pola súa parte Dumbría e Cee sufrían máis para vencer a Mazaricos e Outes, pero a fenda é tremenda entre estes 4 e o resto de equipos.
Polo norte, 3 manitas de Malpica, Ponteceso e Cabana a Corme, Camariñas e Muxía. O partido máis intenso, o derbi zaense, quedou nas mans do baieses pero sen tanta superioridade como agardaban. Ademais, a sorpresa da xornada deixaba a vitoria do Laxe ante o Coristanco.

Preferente, xornada 11

1ª Autonómica, xornada 10

2ª Autonómica, xornada 10

3ª Autonómica, xornada 10

• Descansa Camelle.

Ligas Xuvenís, Gr.3, xornada 10

Ligas Xuvenís, Gr.4, xornada 11

• Baio - Muxía (1-11-2012; 16:00h) Apraz. X.2.

Liga Galega Cadete, xornada 8

Liga Galega Infantil, xornada 8

Liga Galega Infantil, xornada 9

1ª Cadete, xornada 2

1ª Infantil, xornada 7

• Descansa Muxía.

Ligas de Veteranos, xornada 8

1ª División

2ª División

• Descansa Dep. Carballo.

Máis información

• www.futboldacosta.com.

Crónicas da semana

• Xuvenís: Xornada quente.
• 3ª Autonómica: Os 3 de arriba estiran a táboa.
• 2ª Autonómica: Sorpresas arriba e os de abaixo levantan cabeza.
• 1ª Autonómica: Fisterra sae do pozo e Malpica colócase 3º.
• Preferente: Unha vitoria, unha derrota e un empate con lesión.
• Resultados dunha xornada chea de sorpresas.

Artigos deportivos

• Alberto Pose: A armada costeira no Cerceda.
• O fútbol na Costa da Morte, un mar de paixón, con Héctor Pose: O Míster.
• Vídeoentrevista de Anxo Garrido con Javito.

Fonte

• Redacción de Deportes de QPC (deportes@quepasanacosta.gal).