Dumbría xa prepara o seu 1ª Campus de Volei aberto a toda a Costa da Morte

08:28 26/08/14

O Concello de Dumbría, xunto co club local Volei Dumbría, organiza para o vindeiro sábado, 30 de agosto, o 1º campus de voleibol, que terá lugar nas instalacións deportivas municipais do Conco, en Dumbría, dende o vindeiro sábado 30 de agosto.

Un club o dumbriés que leva unha espectacular traxectoria do club nestes últimos anos, nos que disputou 4 Campionatos de España, varios Campionatos Galegos, ten xogadores convocados nas seleccións Galegas, organizou campionatos Galegos e Nacionais de volei praia, e unha moi boa nova destes últimos días como é convocatoria dun xogador do club para formar parte da selección permanente xuvenil en Palencia.

Tendo en conta a progresión da entidade, os propios organizadores aseguran “verse na obriga de ofrecer o noso deporte a tódolos nenos/as da Comarca, sen importar onde vivan, onde estudien”. Se tés máis de 8 anos anímate a practicar un deporte nunha gran instalación, cos mellores técnicos cualificados e aprende dos grandes xogadores que ten o Volei Dumbría.

O Campus ten horario de mañá e tarde, a pista contará con varios campos adaptados ás diferentes idades. Dentro do programa do campus, os rapaces/as, aprenderán as nocións básicas do deporte. Non importa o teu nivel, simplemente as gañas de coñecer unha disciplina olímpica.

Unha vez rematada a actividade, os nenos/as que o desexen, poden seguir vinculados ó club, ben sexa nos distintos adestramentos semanais ou incorporándose ás distintas competicións.