Liga Intermunicipios: O Cances ten a Liga a tiro

17:01 05/03/14

Xornada atípica a que se viviu na Liga de Intermunicipios de Bergantiños, xa que tan só se disputaron tres dos cinco partidos da xornada.

O Cances pasou con nota a súa primeira proba de lume na visita ao Cereo CF vencendo por un claro 0 a 4. O conxunto da parroquia de San Campio foi moi superior aos coristanqueses durante todo o encontro e chegaría ao descanso cunha vantaxe de dous goles, o primeiro de Edgar, tras un penalti protestado, e o segundo de Stefan de córner olímpico. Na segunda metade, o Cances seguiu dominando e creando ocasións pero tan só serían quen de materializar dúas, unha delas sería de novo dende os once metros.

O Sporting Brea sigue presionando o líder, tras golear ao Valenza (4-0) nun partido que dominou de principio a fin no que o conxunto coristanqués non creou perigo sobre a portería local. Tanto os carballeses como os visitantes basaron o seu fútbol de ataque buscando balóns en largo.

O ADC A Piña venciu por 5 a 3 ao Peña Galicia nun partido que se desenvolveu nun campo impracticable que aproveitaron os locais para poñerse cun 2 a 0 no marcador nos primeiros dez minutos, resultado que igualarían os do Galicia tralo descanso. Dous goles consecutivos dos locais daban un golpe sobre a mesa que lonxe de desanimar os verdes, fixo que foran quen de marcar o terceiro tanto para meterse no partido e cando o colexiado estaba a piques de pitar o final o A Piña faría o definitivo 5 a 3 que sentenciaría o encontro.

O Sporting Seaia-Laxe e o Baldaio-Xornes non se disputaron, o primeiro pola incomparecencia dos malpicáns e o segundo non se xogou logo de que os pontecesáns se estean plantexando causar baixa na competición por falta de efectivos. Deste xeito, os resultados foron 0-3 para o Seaia e 3-0 para o Baldaio.

Logo dos resultados desta vixésima xornada, o Cances sería campión si gaña ao seu partido ante o ADCR Baldaio, no que será o gran encontro desta fin de semana.