Martín Varela volve adestrar 11 meses despois con novos patrocinios
Martín Varela volve os adestramentos-Foto-David Castro
Hai case un ano que unha lesión deixaba fóra das pistas, e lonxe do seu soño das Paraolimpiadas de Río2016 a Martín Varela. Pero o tenista cormelán volve a sorrir, e faino dende as pistas.
Xa está comezando a adestrar de novo, gracias ademais á colaboración de World Fit Carballo e Shop4fit. Con este acordo, a A.D.Vidú e os seus novos colaboradores, o Gimnasio World Fit Carballo e www.shop4fit.es dotarán a asociación cormelana con material deportivo (bicicleta de spinning FFTTECH Gold) co que Martin Varela comezará a sua recuperación para afrontar novos retos deportivos.
Gracias a esta aportación o deportista cormelán e presidente da A.D.Vidú poderá empezar parte da sua preparación física. Martín está con máis ganas que nunca para marcarse novas metas no deporte adaptado, e espera poder recuperarse para seguir traballando pola inclusión no deporte das persoas con discapacidade.
O convenio de colaboración, firmarase o próximo sábado 29 no centro Gadis Hiper-Centro Comercial Bergantiños ás 13:00h.
