Venres. 29.03.2024
El tiempo

O Balonmán carballés, entre os 8 mellores de España

O Balonmán carballés, entre os 8 mellores de España

Vaia espectáculo. Carballo vivíu esta pasada fin de semana unha sesión de balonmán de primeiro nivel. E respondeu ademais, pois nun eternamente ateigado Pavillón Vila de Noia, o Ifecgas Pereira Xiria proclamouse campión do sector do campionato de España. Métese así entre os 8 mellores equipos do estado, entre nomes como Ademar de León, Barcelona, Ciudad Real, Granollers, Alcobendas, Puertosol e Carboneras... Así, a vindeira fin de semana do 11 de maio viaxa a Almería para a Fase Final do Campionato.

E tivo que suar o cadro carballés, pois comezaba o sector perdendo co Bidasoa. Pero o balonmán é moito deporte, e cando todo parecía acabado, sacou o orgullo ferido o cadro local para para vencer os dous choques ante o Dosa Salesianos e o Valladolid, e aproveitar a vitoria dos casteláns aos vascos, que deixaban ao Ifegcas Campión do Sector.

Cun xogo seguro na defensa e moi dinámico no ataque, e co pavillon ata arriba de Xiriareiros, o equipo dirixido por Fernando e Toñito vencía 36-24 ao Valladolid e o 34-20 ó Dosa Salesianos, dando lugar á tolemia.

Non perdades as reaccións máis auténticas que veñen de recollerse no Fb do Balonmán Xiria ante o éxito. E tampouco perdades un minuto deste vídeo de celebración.

Fase Final

E xa hai sorteo para a Fase Final do Campionato de España de Balonmán Xuvenil. Finalmente a fase celebrarase os 11, 12 e 13 de maio en Almería, en Carboneras, e o Ifecgas Pereira competirá con equipos de ASOBAL: Barça, Carboneras, e Ciudad Real. De este grupo pasarán 2 equipos a unha Final a 4.

O Xiria abrirá contra o Barça o venres, seguirá o sábado ante o Ciudad Real e culminará a fase previa co local Carboneras o domingo. Veremos se se clasifica á Final á Catro.

Máis información

Crónicas 2011/2012

Novas relacionadas

Fonte

Comentarios