Continúa sen perder na segunda volta da Liga Autonómica o Fisober Concello de Vimianzo. As de Iván Chans e Fran Toba sacaron un punto da súa visita ourensá que les permite manter a 9ª praza con 24 puntos. Pola súa banda a a diosa fortuna deixou de lado o filial do Fisober na maña do domingo. Os de Jemisa e Luís Alberto Sambad caían ante A Fervenza por 5-2, nun encontro onde os rexeites e os paos estiveron do bando local. As vimiancesas manteñen a 7ª praza da Liga Pronvicial con 2 2 puntos. Do resto de equipos da Liga Provincial do zona só o Viaxes Amarella conseguíu un bo resultado, vencendo con rotundidade ante o pechacancelas Espartana. Pola súa banda o Concello de Ponteceso FSF caía estrepitosamente en Boqueixón, e mantense de penúltimo. Mentres que A Salina caía na casa ante O Pino, e queda cuarto por abaixo con 15 puntos.

Liga Autonómica

• Resultado; CIDADE DE AS BURGAS, 3 - FISOBER CONCELLO DE VIMIANZO, 3
• FISOBER C. VIMIANZO: Eva, Elsa, Patri, Ana e Alba; tamén xogaron: Noelia e Myrella.
• Goles: 1-0 Marta , 1-1 Alba, 2-1 María, 2-2 Myrella, 2-3 Alba, 3-3 Nerea.

Chegaba a Ourense o Fisober coas baixas de Andrea, Olalla, Eva, Barca e ata a do seu adestrador Pioto co cal de novo tiña que tirar de filial desta vez foron Myrella e Noelia as elixidas que axudaron a conseguir un punto ao equipo. Comenzaba o partido cun tiro de Alba que deixaba pasar entre as pernas Ana e se ía o pau. Só un minuto despois era Elsa a que se topaba co pau. O partido mostrabase interesante e aberto sendo a fina zurda local María a que poñía a proba a Eva. Despois do comenzo trepidante os dous equipos baixaron o ritmo e o Fisober deixou que as locais tocaran pero sen profundizar moito , para administrar forzas e tentaba saír o contrataque. Asi pasaba a primeira metade cun dominio local pero cas mellores ocasións para as visitantes. Só a dez segundos do final un pase deixaba fronte a porteira a Alba quen non se daba conta de que tiña a Patri o seu carón para empurrala e erraba irremediablemente. Mentras se lamentaban da ocasión errada a porteira local sacou rápido e vía como Marta disparaba a escadra de Eva e poñía o 1-0 no marcador a só tres segundos para o final da primeira metade, do posible 0-1 pasouse a todo o contrario. Despois do pau do fin da primeira metade saíu o Fisober disposto a remontar, e Alba no minuto dous alonxaba os posibles pantasmas do fin da primeira metade e empataba o partido. No minuto catro era Patri a que de novo se topaba co pau. Mediada a segunda metade Burgas non era quen de batir a Paula. Pero si pouco despois a dez do final María nunha xogada de corner marcaba un auténtico golazo. Só un minuto tardou en respostar Fisober e primeiro Ana vía como a porteira local Sofía lle enviaba o seu tiro a corner, pero no saque do corner Myrella empataba. De novo con taboas no marcador Fisober viñase arriba e a sete do final repetía Alba e poñía en vantaxe as visitantes. Pouco lle durou a ledicia xa que Nerea empataba no mesmo minuto. De aí ata o final Ana, Patri e unha xogada na que nin Ana nin Patri se decidiron a tirar poideron traer os tres puntos para Vimianzo. Os últimos minutos foron de tensión polo medo dos dous equipos de quedarse de vacio e así a sólo seis segundo do final era Alba quen tiña a oportunidade de facer o terceiro gol na súa conta e conseguir a victoria para Fisober pero o seu tiro foiselle por pouco. En definitiva un punto importantisimo para Fisober que segue sen perder nesta segunda volta, pero que a súa falta de punteria as privou de levarse os tres puntos ante un xoven e moi bó equipo.

Liga Provincial

• Resultado: A FERVENZA F.S.F., 5 – FISOBER “B“ CONCELLO DE VIMIANZO, 2
• FISOBER “ B “ C. VIMIANZO: Eva, Myrella, Noelia, Andrea e María; tamén xogou Noe.
• Goles: 1-0 Laura ; 1-1 Noelia, 2-1 Aitana; 2-2 Andrea ; 3-2 Belén; 4-2 Laura; 5-2 Irene.

Debido as baixas de Ylenia, Lara e a de última hora de Ana fixo que sólo poideran viaxar seis xogadoras. Si a esto lle engadimos que sendos rexeites no cuarto e quinto gol acabaron de finiquitar o encontro. E por último os paus, ata en catro ocasións se atoparon con eles as xogadoras do Fisober, privaron de pescar algún punto despois dun traballado encontro. O encontro comenzaba como se prevía cas locais atacando e as visitantes tentando saír a contra. Xa no primeiro minuto se pudo poñer por diante a Fervenza, non o fixo a primeira ocasión pero si a segunda. Parecía que o Fisober podía encaixar unha goleada trala saída fulvurante local. Pero non foi así, ben colocadas atrás, tentaban aproveitar as súas virtudes para saír a contra. E foi así como tras unha falta Noelia empataba o partido no minuto cinco. Pero pouco lle durou a ledicia xa que sólo dous minutos despois Aitana voltaba a poñer en ventaxa A Fervenza. Seguían domiñando as locais e saíndo a contra as de Fisober e fruto dunha desas era Noelia quen enviaba o pau. Fisober continuaba aplicandose en defensa e axudadas pola súa porteira Eva mantiñanse a tiro de un gol no partido. Nunha desas no lanzamento dun saque de esquina era Myrella quen enviaba o balón o longueiro. Os últimos tres minutos da primeira metade foron moi duros para o Fisober con constantes ataques das locais, pero nunha contra a falta de quince segundos era Andrea quen o aproveitaba e deixaba o encontro en taboas camiño do descanso. A segunda metade comenzaba co mesmo guión ca primeira pero cun Fisober que se sentía máis cómodo que no fin da primeira metade, parecía que o empate lle dera máis pulo. E así desta vez tocaballe a Myrella toparse de novo co pau. As locais non sabían como meterlle man o Fisober. De novo despois dunha boa xogada o balón chegaba a María quen sentía como a sorte tampouco estaba con ela e vía como o seu remate iase o pau e non quería entrar. A partires deste momento todo cambiou as forzas comenzaban a fallar nas visitantes e as locais lanzabanse de novo o ataque. Así era Belén quen nun excelente lanzamento de falta a que desfacía o empate. O dominio seguía a ser local pero Fisober xa non saía como antes a contra. No minuto quince era Laura quen se aproveitaba dun rebumbio e poñía dous goles de marxe por primeira vez no partido. A seis do final era Irene quen facía o definitivo 5-2. Eses últimos minutos co partido máis aberto houbo ocasións para os dous equipos pero xa non voltou a moverse o marcador.

Liga Provincial

• Resultado: A Salina Xuventude F.S.F., 1 - C.F.S.F. O Pino, 3

Liga Provincial

• Resultado: Boqueixón F.S., 10 - Concello de Ponteceso, 0
• Ponteceso FSF: Salomé, Silvia, Sonia, Chris e Carmen (cinco inicial). Tamén xogaron Mónica, Marta, Iria, Paula, Sabela e Tamara.

Este foi o peor partido xogado polas pontecesáns no que vai de liga e tamén a derrota máis abultada, con moita diferencia, de todo o campeonato.

Todas estas cualidades do Boqueixón non excusan o mal partido do equipo Pontecesán que nesta ocasión non estivo acertado nas facetas defensivas, como viña amosando nas últimas xornadas. Ademáis tampouco foron capaces de dar máis de tres pases seguidos, o cal imposibilitaba ó chegar a meta rival non podendo así crear ocasións claras para marcar. Pero o peor aínda non isto, senón a mala imaxe dada neste partido por todo o equipo, cousa que aínda non lle sucedera no que vai de liga.

Nas últimas tres xornadas o equipo Pontecesán reibíu 19 goles, cousa que nin lle sucedera nas anteriores 6, esto quere decir que desde o comezo da segunda volta o equipo perdíu esa fortaleza defensiva que tanto lle costara conseguir.

Vindeira xornada

O Concello de Ponteceso enfróntase o próximo sábado 12 de febreiro, no Pavillón Municipal de Corme as 20:00 horas ó Meigas B de Bertamiráns.

Liga Provincial

• Resultado: Espartanas F.S., 1 - Viaxes Amarelle F.S., 13
• Viaxes Amarelle “B” FSF: Leti, Alba, María, Cruz, Laura (cinco inicial), Regi, Anita, Yeye, Xulia, Sara.
• Goles: 0-1 Alba (min. 1); 0-2 Cruz (min. 3); 0-3 Regi (min. 9); 0-4 Cruz (min. 12); 0-5 Regi (min. 14); 0-6 Cruz (min. 15); 0-7 Cruz (min. 16); 0-8 Yeye (min. 17); 0-9 Laura (min. 30); 0-10 María (min. 32); 0-11 Alba (min. 33); 0-12 Cruz (min. 33); 1-12 Adriana (min. 45); 1-13 Yeye (min. 49).

Vitoria con goleada e sen complicacións para o Viaxes Amarelle B de Suso Yanes ante o Espartanas FS que segue na cola da táboa. O partido transcorreu moi ben ata que na segunda parte o conxunto local viuse un conxunto moi faltón e con algúns abusos dalgunhas xogadoras en cotenadas e empuxóns que ensuciaban o bo xogo que se estaba facendo e para malgaste final a mala educación da afección do Espartanas proferindo insultos cara ás xogadoras do Amarelle desde a bancada, coa impunidade das colexiadas, que parecía que estaban de festa en lugar de en un partido oficial.

Vindeira cita

O Viaxes Amarelle B mantense na terceira posición a dous puntos do Sobrado Xuventude e tres por encima do A Fervenza B FSF. Agora este próximo sábado 12 de febreiro de 2011 a partir das 20:00 horas terá lugar un apaixonante encontro das de Suso Yanes contra o Sada FSF de Iago Socastro no Complexo Deportivo de San Diego (A Coruña).

Breves fútbol sala e fútbol femenino

• O Poio FS da muxiana Nuria Paz caía derrotado en terras madrileñas ante o 4º clasificado o Majadahonda por 6-2. - Con esta derrota perden o liderato que conseguirán a semana pasada en favor do Leganés ainda que tan só están a un punto das xogadoras madrileñas. - A vindeira semana comeza a segunda volta e as pontevedresas viaxaran ata salamanca donde se enfrentaran o CD Chiloeches.
• O Orzán de liga nacional femenina perdía en Burgos contra o Nsa Sra del Belén por 3-1, o gol herculino era anotado pola porteira Lucía, que tivo que vestirse de xogadora ante ás numerosas baixas do equipo coruñés. As xogadoras da Costa da Morte Barca e Hue, así como Eva saían de titulares. A que non viaxou foi a xogadora de Carnota, Alba, que si se desplazou ata Ourense co Fisober e anotaba dous goles. - A vindeira semana recibirán ó Gijón nas instalación deportivas de A Torre.

Máis información

• Clasificación da Provincial Feminina.
• Clasificación da Autonómica Feminina.
• www.amarellefsf.com.

Xornadas anteriores

• Boa semana para a familia Fisober.
• O Fisober B pecha a primeira volta das Ligas de Fútbol Sala Feminino.
• O Buxeiro de Fisterra álzase co I Campionato FS “Costa da Morte” pola selección galega Xa!.
• A Salina supera ao Fisober B e o Ponteceso FSF acada a súa segunda vitoria na Liga Provincial.
• Primeira e histórica vitoria do Ponteceso FSF.
• O Fisober de Autonómica suma e segue pero os árbitros non deixan avanzar ao Ponteceso FSF.
• Tan só o Fisober de Autonómica saca algo positivo da xornada de fútbol sala feminino.
• Xornada fatídica para o fútbol sala feminino costeiro.

Novas relacionadas

• A Liga de Fútbol Sala de Cee xa en QPC.
• As Ligas Escolares de Fútbol Base xa en QPC.

Fonte

• Redacción de Deportes de QPC ([email protected]).
• Notas de prensa do Fisober e do Concello Ponteceso FS, e de José Núñez Torrado, Responsable de Prensa do Viaxes Amarelle FSF.
• Un repaso completo á actualidade do fútbol sala feminino da Costa.