Esta fin de semana os representantes do voleibol da bisbarra desprazáronse ata Ourense para disputar unha nova xornada das Ligas Galegas.

A mellor nova foi a protagonizada polos infantís do Manuela Rial, que venceron con claridade ante o equipo local CV Ourense- Manuela Rial 0-3 (15-25 / 9-25 / 6-25). Con este resultado o equipo mantense líder da liga galega e sen coñocer a derrota.

No resto de encontros disputados os nosos non tiveron tanta sorte. As xuvenís do Voleibol Dumbría perderon por 3-1 (25-22 / 25-9 / 20-25 / 25-20); as infantís do Manuela Rial por 3-0 (25-14 / 27-25 / 25-23); as cadetes do Voleibol Dumbría por 3-0 (25-12 / 25-13/ 25-16) e o equipo Cadete Masculino de Voleibol Dumbría por 3-1 (20-25 / 25-14/ 25-18 / 25-19).
Iso si, a única derrota clara foi a das cadetes ante un equipo moi superior, pero no resto de categorías os partidos foron moi disputados.

Selección Galega

O pasado martes 1 de novembro, as seleccións galegas infantís tiveron unha cita para adestrar na Sagrada Familia da Coruña e 5 compoñentes do equipo de Volei do Manuela Rial participaron nese adestramento. A representante feminina foi de Izaskun Quinteiro e no masculino estiveron David Redonda, Manuel Marcote, Xavier Perez e Unai Larrañaga.

Partidos deste fin de semana

Este sábado 5 de novembro pola maña en Dumbría disputarase a 4º xornada con estes horarios:

• Ás 10:00 - infantil masculino e femenino: Manuela Rial - Calasancias.
• Ás 11:30 - cadete masculino e femenino: Voleibol Dumbría - Calasancias.
• As 13:00 - xuvenil feminino: Voleibol Dumbría - Calasancias.

Novas relacionadas

• Comezou a campaña de baloncesto na Costa.
• 3 xogadores do volei costeiro na Selección Galega e un carballés na Selección Española de balonmán.

Últimas Crónicas

• A canteira de volei costeira leva outros 5 xogadores á Selección Galega.
• 3 vitorias e 4 derrotas é o balance da fin de semana no volei da Costa.

Fonte

• Redacción de QPC (info@quepasanacosta.gal).
• Nota de prensa do Volei Dumbría da man de Gurutz Larrañaga.