Preferente: Sorte dispar

Preferente: Sorte dispar

09:10 23/04/12

Foi a sorte clave nesta fin de semana para decantar os choques dos nosos 4 equipos da Preferente. A boa para uns e a mala para outros. O Dumbría era o único que conseguía os 3 puntos contando cunha pizca de fortuna ante o Xove. Fortuna que non tivo o Xallas, que tras dominar boa parte do encontro ante o Santiago, volvei de baleiro. O Soneira pode dar por bo o punto ante O Val, mentres que Santa Comba perde fol tras caer inmerecidamente ante un dos de abaixo, facendo ademais fraco favor aos veciños. Así, Dumbría, Soneira e Xallas non poden despistarse pois os 3 postos de descenso poden convertirse en 5 e ata 6 por mor dos arrastres, e só hai 2 puntos de diferencia agora entre o Santiago (5 por abaixo) e o Soneira. O Xallas ten 2 puntos máis que o Soneira o Dumbría 4.

Soneira - O Val (1-1)

SONEIRA: Durán, Pablo, Ferreiro, Vecino, Martín, Santi, Mayor (Javi, min.70), Iago, Kike (Pichi, min.53), Brais (Míchel, min.83) e Vía.
Goles: 1-0, min.20: Mayor, de falta; 1-1, min.48.

Pode dar por positivo o punto acadado polo equipo soneirán na tarde de onte, tras unha primeira parte aceptable e na que non pasou apuros, na segunda o equipo baixou bastante e gol xusto tras o descanso fixo moito dano na moral dun equipo que loita por fuxir dos postos de perigo e indeterminables de descenso polo efecto cascada. Na primeira metade o equipo de Miguel dominou os tempos do partido e abriu o marcador tras unha falta lateral lanzada polo xuvenil Mayor que se colou polo segundo pau ao non encontrar rematador nin ninguén que despexara o balón. Dous minutos despois, un bo tiro de Vía foi desviado polo meta visitante. Non houbo moitas máis ocasións de perigo nuns 45 minutos de moito respecto de parte a parte. Nada máis arrancar a segunda metade, a falta de intensidade na defensa fixo que un xogador ferrolán se dera a volta dentro da área e marcara o empate. A partir de aí o equipo blanco veuse bastante abaixo, como senón crera en poder gañar o equipo. Os visitantes foron acomodándose no terreo de xogo e foron pouco a pouco collendo o dominio do balón. Vía puido poñer por diante aos soneiráns, pero o seu forte disparo foi ben desviado a córner polo porteiro. Cinco minutos despois, unha pena máxima feita polo meta Durán foi desaproveitada polos visitantes, o seu lanzador mandou o balón por enriba do longueiro. Catro minutos despois, Pichi sacou un balón na liña gol cando xa era celebrado pola parroquia azulona. De aí ao final o Soneira tentou o gol, pero con máis corazón que cabeza, mentres que os do Val a contra puideron arrancar os tres puntos do municipal. Ao final un empate e un puntiño que ao final da temporada se poderá valorar se importante ou non para o equipo vimiancés.

Santiago - Xallas (1-0)

XALLAS: Cheli, Isma, Iván, Becerra (Óscar, min.79), Rubio, Ricardo (Alemán, min.60), Rubén Forjan, Brais, Sebas, Luís, Alexandre.
Gol: 1-0, min.29.

"Cando as cousas non van ben a fortuna non axuda, e hoxe tampouco axudou". Así reflexionaba Iván Cancela ao remate do partido en Santiago. I é que os xalleiros mereceron volver cos 3 puntos pero volven de baleiro. Un gol de Sebas no desconto tras un balón colgado que caeu ao borde da área que o colexiado anulou sen saber moi ben por que, acabou coas esperanzas dos verdes de alo menos traer un punto. 10 minutos antes, Luís enviaba un balón ao pao, tras unha segunda parte de total dominio visitante. A rasgos xerais, foi un partido intenso, cunha primeira metade cunha ocasión para cada un, na que os locais foron máis efectivos. Eles acertaron, pero Sebas, diante do porteiro, marrou a mellor ocasión.

Xove Lago - Dumbría (1-2)

DUMBRÍA: Juan Purrúa, Tantán, Ismael (Riki, min.55), Iván, Aarón Fdez. Aarón López, Luisete, Luisito (Cacho, min.75), Iago, Leo (Cote, min.83), Eloy.
Goles: 0-1, min.15: Leo; 1-1, min.53; 1-2, min.85: Aarón López tras uns rexeites a un córner.

Boa primeira metade dos dumbrieses que venceron gracias á sorte que lles faltou en outros partidos. Juan Purrúa fixo un autñentico partidazo e os da mariña enviaron 2 balóns á madeira e achucharon sobre todo na segunda metade. E cando máis parecía que se podían poñer por diante, a falta de tan só 5 minutos, Aarón López aproveitaba un balón morto dentro da área tras un córner para finiquitar o choque. "3 puntos e para casa".

Santa Comba - Viveiro (2-3)

SANTA COMBA: Pablo, Gelo (Orlando, min.16), Agustín, Angelo, Roberto Amoedo, Jota (Dario, min.77), Doro, Mon (Chinda, min.53), Noli, Julián, Pablo Baña (Óscar, min.85).
Goles: 0-1, min.3: de falta directa; 0-2, min.10; 1-2, min.38: Doro tras unha interna pola banda; 1-3, min.49; 2-3, min.85: Doro a bocajarro

Inmerecida derrota do Santa Comba, que saíu moi ben o Santa Comba e iso que aos 10 minutos, dous erros individuais permitiron aos da Mariña colocarse con 0-2. Tocaba remar, e malia que os de Gelucho dominaron o balón case o 80%, a efectividade dos visitantes foi letal. Doro recurtaba e o Santa Comba se metía no partido de novo. Pero ao comezo da segunda unha contra rápida collía despistada á defensa laranxa e o Viveiro facía o 1-3. Toda a segunda metade enriba deles pero o gol non daba chegado. Só a 5 do final, o propio Doro recurtabam pero non daba tempo á remontada. Cómpre destacar o debut nas filas xalleiras do xuvenil Pablo baixo paos.