Previa futboleira para unha completa fin de semana

08:05 29/08/14

Quédanos unha boa fin de semana de Fútbol da Costa. Con competición oficial xa, coa Preferente en marcha, e moitos amistoso.

Arrinca a Preferente

Primeira xornada para Dumbría e XSC nesta nova andaina pola Preferente Norte. Logo da presentación do renovadísimo cadro xalleiro ante o Bergantiños, os de Rubén Coméndez comezan en Dubra unha temporada ilusionante.
Terá o cadro de Canosa a oportunidade de comezar na casa, o domingo ás 18:00h no Conco ante o Arzúa, para ver como responde este equipo despois das numerosas baixas.

Estes son os horarios:

Dubra	31/08 - 19:00	XSC
Dumbría	31/08 - 18:00	Arzúa

SuperCopa dos Veteranos

A final dos SuperVeteranos será o partidazo da fin de semana. O Campo do Pinguel de Ponteceso acollerá este vindeiro 31 de agosto a Super Copa dos Veteranos da Costa.

Como avance, enfrontaranse ás 10:00h o campión e o segundo clasificado da 2ª División, Atlético Milagrosa e ao Erbecedo, ambos este curso na 1ª.
O partidazo será ás 12:00h, cando se enfronten o Coristanco (Campión de Liga) e o Dumbria (campión de Copa).

Arrinca as Ligas Xuvenís

Pero só un partido, e por mor das Festas da Barca, o Outes e o Muxía adiantan o seu partido da 2ª xornada para este sábado ás 17:00h.

Doble cita en Corcubión

Praia e céspede artificial. Doble cita na fin de semana en Corcubión. O Concello de Corcubión en colaboración co U.D.Corcubión organizan o Torneo de Fútbol Praia que terá lugar o venres 29 de agosto no areal da praia de Quenxe.

Ademais, o sábado 30, cambiamos a praia polo Novo Cubeleiro para disputar ás 18:30h o XVI Trofeo Carlos Lojo, entre o Corcubión e o Baíñas.

Fútbol e Churrasco en Nantón

Partidazo nas Fontiñas e churrascada no 2º Trofeo Memorial José Díaz Lema. O Cabana visita aos seus veciños do Nantón para facer unha festa e lembrar ao ex presi.

Máis partidos

Son varios os choques amistosos desta fin de semana:

Sábado 30 de agosto ás 18h. Soneira - S.D.San Lorenzo de Verdillo, en Verdillo.
Sábado 30 de agosto, ás 17:00: Corme - Sporting Seaia, no Cairo en Corme.
Sábado 30 de agosto, ás 12:00h: Orzán - Cerqueda, na Torre, Coruña (ás 17:00h 3º y 4º posto e ás 19:00h a final do XI Memorial Manuel Fernández Faraldo).
Domingo 31 de agosto, ás 18:00h: Castrelo - Porteño, en Vimianzo.
Domingo 31 de agosto ás 18:00h: Lira - MonteLouro en Lombáns, (Carnota).
Domingo 31 de agosto, ás 17:00h: Castrelo - Porteño, en Vimianzo.
Lunes 1 de setembro, ás 21:00: Sporting Seaia - Atletico Coruña, na Pedra Queimada.
Mércores 3 de setembro, ás 21:00: Sporting Seaia - Bergantiños (Lina Nacional Xuv), na Pedra Queimada.