Auténtica emoción xa nesta primeira fin de semana de abril no Fútbol da Costa. Nótase que xa nos achegamos á final de temporada, pois xa temos decidido esta xornada 4 títulos, unha Fase de Ascenso, e moitos descensos perfilados.

E comezamos o repaso pola Preferente, na que xa onte tiñamos doble partido, coa derrota do Soneira en Narón, que o mantén pechacancelas destacado, e a vitoria, que pode ser fundamental fundamental do XSC ante o Residencia. Unha vitoria que rompe unha xeira de 4 derrotas seguidas e que ll serve para ascender á 15ª posición, pero aínda pendente dos posibles arrastres da 3ª División.
Por arriba, o Dumbría desaproveitou unha gran ocasión para meterse de novo nos postos de Promoción pois o Silva caía ante o Estudiantil pero os dumbrieses non podían sumar ante o Chantada. Quedan os dumbrieses 5º, a 2 do Silva.

Camariñas e Ponteceso non saen do Pozo na 1ª

Empate que non lle vale nin a Camariñas nin a Ponteceso. O derbi de urxencia deixa aos dous afundidos no fon da táboa, e faltando 4 xornadas a salvación está practicamente imposible, tendo en conta que pode varios arrastres. De feito, o que non se pode despistar é a Esteirana, que non puido co Agolada.
Por arriba, Malpica e Baio seguen ao seu, facendo sendos temporadones. Os malpicáns seguen loitando pola 2ª praza, de Promoción, e se manteñen a 2 do Arzúa tras vencer ao Amio. Ademais, o Baio mantén a 6ª praza tras gañar ao Lamela.

Unha Liga da Costa fervendo

E menuda xornada na 2ª Autonómica. Queda 4 para o final e o Corme dá un estirón vencedo ao Cabana (xa van 9 vitorias consecutivas e 19 sen perder) e aproveitando os tropezos de Sofán e Zas. Os sofanistas non puideron sacar os puntos en Verdillo nun quente derbi carballés que mesmo remataba en tangana. Mentres, o Zas non pasaba do empate a 0 co Volantes, quedando o Sofán a 5 puntos e o Zas a 9, ambos cun partido menos que os cormeláns.
Pero ademais, por abaixo a xornada tamén estivo tremenda. Buño e Mazaricos case que sentenciaron a súa permanencia, o contrario que o Corcubión, que case a asinou caendo na casa ante o cadro malpicán. Ademais quedarán 2 postos polos probables arrastres de Camariñas e Ponteceso. O que ten máis papeletas é o Muros, que perdeu a ocasión de sumar ante o potente Fisterra, e queda con 28 puntos. Con 32 quedan agora Volantes, Castriz e Camelle, precisamente trala vitoria dos camelláns en San Pedro. O San Lorenzo queda zon 33, e o Cabana con 35.

Baíñas, campión da 3ª

Cantas cousas aconteceron esta fin de semana na 3ª. O título xogábase no Agra da Filgueira e o Baíñas conseguíu manter un liderato no que leva dende a xornada 3. Os de Pato puideron co Montelouro, o que non impediu que ambos puidesen celebrar o ascenso conxuntamente.
Ademais, a falta de confirmación (mañá na crónica confirmaremos os datos), o Baíñas tamén pode celebrar o pichichi de Javi Suárez, que co seu hat-trick supera ao coristanqués Toniño.

Precisamente o Coristanco será un dos que participen na Fase de Ascenso. O Lira tamén tiña a praza asegurada e o Ameixenda case que tamén, pero non fallaba en Vimianzo ante o Castrelo para certificala. Xogábanse Muxía, Seaia e Nantón a última praza, co duelo fraticida entre muxiáns e malpicáns en Arliña. Pois os xogadores do Seaia, na súa primeira campaña, conseguen meterse na Promoción tras vencer 1-3 no sempre difícil campo muxián. O Nantón, tiña que esperar unha carambola, quedando tamén fóra dos postos.

O Dumbría, campión en Xuvenís

Xogábanse o título tamén na Liga dos Campións de Xuvenís a Esteirana e o Dumbría no Xosé Luis Vara. E os dumbrieses conseguiron vencer, non sen apuros, mantendo así a súa posición de favoritos, tras gañar tamén a Liga Regular. E menudos números, os que leva o equipo de Diego Lobelos e Óscar Leis: 23 gañados, 3 empatados e só unha derrota, e 109 goles a favor e 18 en contra.
Ambos, serán os nosos representantes nas Fase de Ascenso á Liga Galega.

Categorías Base

Non foi boa a xornada para os nosos nas Ligas Galegas. O Dumbría empataba e cae á 8ª praza, mentres en Infantís, os dumbrieses caían ante o Bergantiños, e o XSC caía ante o Lalín e ten a salvación a 11 puntos.

E tivo lugar a Volta da Previa da I Copa da Costa Infantil, e xa podedes ver o cadro completo en www.copadacosta.com.

Ademais, o Outes de Benxamíns tamén celebrou o sei título a falta de 3 xornadas para o final, sacando xa 11 puntos a Fisterra e XSC A.

Coristanco, campión de Veteranos

E xa todo, practicamente decidido nas Ligas de Veteranos. O Coristanco asinaba o seu título vencendo pola mínima ao Xuv. Bergantiños, e aproveitando o tropezo do Soneira, que precisamebnte terá que facerlle o pasillo na última xornada. Deste xeito, saca 6 puntos, e o golaverage particular, ao Bértoa, polo que a falta de 2 xornadas xa puido celebrar o título.
Ademais, E ademais do ascendo do At. Milagrosa, asegurado a semana pasada, o Corcoesto practicamente cercioraba a súa presencia na 1ª División a temporada que vén, pois ten 6 puntos máis que o Erbecedo, e malia que o golaverage individual está igualado, o Corcoesto ten 13 goles máis na bagaxe de goles xeral.

Preferente, xornada 32

1ª Autonómica, xornada 30

2ª Autonómica, xornada 30

• Descansa o Outes.

3ª Autonómica, xornada 22

• * O Corcoesto non se presentaba en Lira por falta de efectivos, como avisara previamente, polo que seguramente o resultado final quedará 3-0 para os lirachos.

Liguila Previa á Fase de Ascenso á Liga Galega Xuvenil, xornada 9

Liga da Copa da Costa Xuvenil. Grupo Sur, xornada 6

• Descansa Outes.

División de Honra Cadete, xornada 26

Play Off Descenso da Liga Galega Infantil, Grupo 2 Norte, xornada 8

1ª Cadete, xornada 21

• Descansa Coristanco.

Copa da Costa Infantil, Volta da Previa

• Podedes ver como queda o cadro completo en www.copadacosta.com.
  
  

  Alevín, F-8 Costa Norte, xornada 8

  As Baleas	0-1	Corcubión
  Baio	1-4	Muxía
  Vimianzo	3-2	Cabana
  Corme	0-1	Coristanco

  • Descansa Sofán.

  Alevín, F-8 Costa Sur, xornada 19

  Os Miúdos A	9-0	XSC B
  Os Miúdos B	2-2	XSC A
  Esteirana	4-1	Fisterra
  Lira	3-2	Zas
  Cee	0-3	Outes

  Benxamín F-8 Costa Norte, xornada 8

  Baio	0-2	Muxía
  Vimianzo	4-5	Cabana
  As Baleas B	0-2	Sofán
  As Baleas A	7-1	Ponteceso
  Corme	4-3	Coristanco

  Benxamín F-8 Costa Sur, xornada 19

  Os Miúdos A	4-0	XSC B
  Os Miúdos B	0-5	XSC A
  Lira	6-4	Zas
  Esteirana	10-1	Fisterra
  Cee	1-2	Outes

  • Descansa Dumbría.

  Prebenxamín F-8 Costa Este, xornada 7

  Esteirana	5-1	Cee B
  Xallas StComba	1-3	Outes

  • Descansa Baio.

  Prebenxamín F-8 Costa Oeste, xornada 7

  As Baleas	2-3	Cee A
  EF Corcubión	2-5	Fisterra

  • Descansa Dumbría.
  
  

  Ligas de Veteranos, xornada 28

  1ª División

  Zas	1-1	Soneira
  Cabana	1-1	San Román
  Coristanco	1-0	Xv. Bergantiños
  Dumbría	1-4	Ponteceso
  Castriz	3-1	Nantón
  Laxe	0-0	San Lorenzo
  Bértoa	2-0	Baio
  Camariñas Vet	0-3	Muros

  2ª División

  Malpica	2-1	Sofán
  At. Milagrosa	4-1	Vimianzo
  Erbecedo	5-2	Poniente
  Porteño	2-2	Dep. Carballo
  Agualada	0-0	Cerqueda
  Corcoesto	4-0	Leiloio

  • Descansa Camelle e Buño.

  Máis información

  • APP “Fútbol da Costa” para Android.
  • APP “Fútbol da Costa” para iPhone.
  • www.futboldacosta.com.
  • Calendario e resultados da I Copa da Costa Cadete.
  • Xa temos sorteo da I Copa da Costa Infantil.

  Crónicas da semana

  • Xuvenís: O Castriz queda fóra dos Oitavos da Copa e Esteirana e Dumbría esperan o duelo.
  • División Honra Cadete: Mantendo o ritmo.
  • 3ª Autonómica: Todo listo para a última batalla.
  • 2ª Autonómica: De infarto por arriba e por abaixo.
  • 1ª Autonómica: Os de arriba marcan o paso.
  • Preferente: Peor case imposible.
  • Resultados e crónica da última xornada de marzo do Fútbol da Costa.

  Artigos relacionados

  • O Gato parapenaltis.
  • O campo de fútbol de Louro terá herba artificial a temporada que vén.
  • Alberto Pose: Unha fiestra aberta para acoller Campionatos Nacionais na Costa da Morte.
  • Óscar Suárez e Raúl lideran as táboas dos pichichis da Costa.
  • A Pipa de Corredoira: 30 novos adestradores diplomados na Costa.
  • Alberto Pose: Da ilusión que xeneran os cromos da Costa.
  • Manuel Varela: A Costa do Fútbol.

  O Album de cromos do #FutboldaCosta

  • quepasanacosta.gal/album.

  Fonte

  • Redacción de QPC (info@quepasanacosta.gal).