Xoves. 28.03.2024
El tiempo

Un par de fichaxes e unha reunión no fútbol da Costa

Un par de fichaxes e unha reunión no fútbol da Costa

Novos movementos esta semana no fútbol costeiro, que ademais terá unha cita cunha nova recunión para tratar a Copa da Costa 2012.

Xa anunciabamos onte a través das redes sociais a fichaxe de Luisete polo Dumbría. O dianteiro de Oleiros, ata o de agora no Ponteceso, segue crecendo futbolisticamente na Costa da Morte e ascende unha categoría para competir en Preferente. Ao seu carón terá a Leo, fichado a semana pasada polo clube dumbriés. Ambos serán os recambios naturais de Adrián Mackaay, que marchou ao Arousa.

Ademais, outro movemento salta hoxe á palestra. O dianteiro David Blanco volve á disciplina do Malpica tras intentalo esta temporada na Preferente. O punta non acabou de afianzarse entre os 11 fixos de Gelucho, e malia saír moitos partidos dende o banco asinou no que levamos de temporada 7 tantos.
Intentará agora na Liga da Costa volver ser a referencia ofensiva que foi nas últimas campañas nas que loitou polo pichichi con case 30 goles ao ano. Blanco compartirá dianteira cos Charro e Neucha, aumentando a artillería do Malpica na súa loita por chegar ata o 2º posto.

Reunión do #futboldacosta para a Copa

Este venres 23 de marzo, ás 20:00 horas, a Asociación de Clubes de Fútbol Federado da Costa da Morte celebra outra reunión no pavillón de Baio. Desta volta, ademais de repasar o asunto dos ascensos e a orde da última xuntanza, tratarán a Copa da Costa 2012. Unha reunión que, afortunadamente, chega antes que en anos pasados, cando a Federación esperaba á última xornada para convocala.

Apunta o presidente da Asociación que "aqueles clubes que non queiran participar terán que facerllo chegar á federación antes da data desta reunión".

Nova relacionadas

Máis información

Crónicas da semana

Máis novas

Fonte

Comentarios