Xa son 21 as peñas Deportivistas na Costa da Morte. E moita falta que fan nesta bisbarra onde as cores merengues e blaugranas están demasiado espalladas. Onte tiña lugar a inauguración da Peña Deportivista de Verdillo, Carballo. O Bar Manolo de Lisa acollía esta sempre especial cita, á que acodían invitados Seoane e do cancerbeiro Germán Lux, pois se ben estaba previsto que viñese Alex Bergantiños un asunto familiar impediullo.

Como nos conta a Secretaria da Peña, Vanessa Viña Mato, os xogadores portáronse xenial ca xente, non tuveron problema ningún en firmar autógrafos e sacar fotos. E iso que foron unhas 90 persoas as que ateigaron o bar e disfrutaron dos pinchos branquiazuis.

Tiveron boas palabras os xogadores, pero os nervos atenazaron aos protagonistas locais. Veni e Carlos foron os encargados de levar a cabo a presentación, se ben o momento máis intenso da noite foi cando o presi, Jaime Cotelo Pombo, tomou a palabra e a emoción invadiuno.

Felicitamos pois á Directiva por embarcase nun proxecto así. Aos Jaime Cotelo Pombo, presidente; Antonio Mato Pombo, vicepresidente; Vanessa Viña Mato, secretaria; Sheila Loureiro Torres, tesoureira; eos vocais José Pereiro Muíño, Marcos Cancela Cotelo e Sara Fuentefría Viña. A entidade xa conta con 75 socios, e medrando, como a febre deportivista pola comarca de Bergantiños.

Unha demostración do poder da marea branquiazul, que mesmo en 2ª División ve crecer a súa parroquia.

Novas relacionadas

• A Lugo co Depor e a Peña A Moa.
• As peñas futboleiras seguen medrando na Costa da Morte.
• 20 peñas farán branquiazul a Costa da Morte no 2014.
• Nace a peña do Atlético de Madrid “Costa da Morte”.
• A Marea Blanca exténdese por Cee.

Máis novas

• Castriz é branquiazul.
• Ledicia na presentación da Peña Deportivista Bar Pérez.
• A maxia pisou o Conco.
• Alex Bergantiños vestiuse de branquiazul… en Baio.
• Zas vístese de branquiazul para facer o camiño.
• O Pindo tinguiuse de branquiazul.
• O Deportivo únenos polas onda.

Fonte

• Redacción de QPC ([email protected]).
• Fotos cedidas pola Peña Deportivista de Verdillo, de Vanessa Viña Mato.