Mércores. 05.05.2021
El tiempo

A Central Hidroeléctrica de Buxán de Dumbría

Muino de Buxan-Foto-Modesto
Muíño de Buxán-Foto-Modesto
A Central Hidroeléctrica de Buxán de Dumbría

Rebuscando mapas antigos, encontrei parte do traballo de campo que os topógrafos do Instituto Geográfico Catastral (así se chamaba naqueles tempos) realizaron no ano 1940 para formar o Mapa Topográfico Nacional do territorio de Dumbría, correspondente a folla nº 68 e 93.

Usaban un aparato coñecido como brúxula taquimétrica, recorrendo o terreo acompañados de informadores do lugar e medindo distancias e ángulos de todo os detalles importantes que encontraban para plasmalo no mapa (aínda non existían as fotos aéreas).

Mapa da Hidroeléctrica de Dumbría copia

Chamoume a atención que do muíño de Buxan de Dumbría saían tres líneas eléctricas, unha en dirección a Grixa de Dumbría, outra cara Buxantes pasando polos lugares de Canelas, Castro e Figueiroa e outra en dirección noroeste que me imaxino iría cara Senade.

Nunca oín falar desta hidrocentral polos veciños do concello e na actualidade xa non temos a quen preguntar, salvo revisar o archivo do concello por se tiñan algún acordó plenario ou a solicitude de permiso. Eu penso que os informadores metéronlle un “farol” os topógrafos, xa que naqueles tempos andaban a voltas coa hidrocentral da Pedreda.

Comprobámolo na primeira publicación da folla nº 68 do ano 1945 en que esta central foi borrada do croquis. O actual muíño de Buxán, situado na marxe dereita do río Fragoso, debeo ser construido a finais do s.XVIII xa que está inventariado no catastro da Ensenada do ano 1753 co nome de “Muíño de Buxán”, a nome de José Vara. Ten tellado de pedra a dúas caídas e xa non ten nin presa nin canle.

Outros artigos no "Modesto Patrimonio"

Patrimonio Pindexo

comentarios