Impresionante o despliegue de medios desta primeira proba cicloturista do Concello de Dumbría "Desafío do Atlántico". Unha proba que antes de nacer xa se convertiu na proba máis mediática de toda Galicia, e unha das citas máis esperadas do circuito ciclista semiprofesional de toda España. O ciclismo en estado puro agarda por nós este sábado 8 de xuño, como gran preludio da Etapa da Fin do Mundo de La Vuelta para finais de agosto.

Xa se completaron as 300 prazas para a proba, polo que o pelotón emulará a unha gran proba. Ademais, o pelotón irá compacto en boa parte do percorrido, pois os primeiros 30 km son neutralizados, e ademais, a metade de carreira, os ciclistas reagruparanse en Fisterra, como podedes ver no mapa. Todos eles buscarán o Trofeo da Pedra do Brazal. Pero iso si, non será fácil chegar ata arriba sen poñer o pé no chan...

A ruta

Os 130km de ruta serán os seguintes. A saída serás ás 10:00h da mañá do Conco, a onde voltarán ás 11:20h para o reagrupamento. De aí sairán cara Lires, dende onde collerán as pequenas estradas de Fisterra. A parada no Cabo Fisterra será arredor das 12:30h, e sobre a 13:30 atravesarán Corcubión e Cee. De aí ao encoro de Santa Uxía, cun novo avituallamento ás 14:30h no Fieiro, para comezar o realmente duro. Baixada pola Paxareiras, e ás 15:45 comeza o espectáculo, para chegar aproximandamente ás 16:00h-16:15h á cima do Mirador do Ézaro.

Despliegue mediático

A web www.desafiodelatlantico.es non deixa de traernos Columnas e entrevistas de xentes como Miguel Ángel Iglesias, Pedro Nimo, Carlos de Andrés, Ezequiel Mosquera, ou o propio Terio Carrera.
E xa podedes ver tamén o vídeo da presentación oficial, comandada por Jorge Mira.

Pechando coa Pasta Party

E non esquezan que ao remate da proba terá lugar a Pasta Party, que se levará a cabo no Mirador do Ézaro, aos pés da ascensión.
Ao término da carreira os participantes poderán gozar dunha churrascada e de pasta, todo acompañado da actuación dun DJ e unha charanga.

E non marchen ata a noite, que poderedes ver a Fervenza do Ézaro iluminada, un espectáculo sen parangón.

Máis información

Toda a información achega da marcha poderase seguir a través da páxina de Facebook “Desafío do Atlántico” e do Twitter @DesafodeAtlntic.

Ademais, Segue a actualidade do Concello de Dumbría dende o seu Facebook:

• Facebook do Concello de Dumbría.

Novas relacionadas

• A Etapa da Fin do Mundo da Vuelta 2013 subirá o Ézaro e rematará en Fisterra.
• Zas xa prepara a súa II BTT para o San Xoán cun ollo no Desafío do Atlántico.
• Grandes personalidades buscarán o trofeo Pedra do Brazal do Desafío do Atlántico.
• Pequenos e maiores, a dúas rodas polos montes de Dumbría.
• Dumbría aposta polo ciclismo co Desafío do Atlántico.
• Dumbría prepara un verán deportivo de vertixe.
• Dumbría é Deporte.
• “O campo de slalom sería tan positivo como o Camiño de Santiago”.
• O Club Ciclista Dumbría xa é un dos máis numerosos de Galicia.
• Dumbría tamén supera a meteroloxía adversa e afianza a BTT no panorama galego.

Fonte

• Redacción de QPC (info@quepasanacosta.gal).