Xa van 15 anos achegando música folk á fin do mundo. E precisamente con ese obxectivo nacía a Festa Folk na Fin do Camiño aló polo ano 98: potenciar Fisterra como Fin do Camiño Xacobeo.

Un propósito que pode que teña data de caducidade, i é que "sen recursos non podemos medrar", como indica Socorro Insua, unha das promotoras da Asociación Anchoa, que insta ás administracións a arrimar o hombreiro e apoiar un dos festivais que mellor promociona a vila do Cristo como punto de chegada de milleiros de peregrinos.

Este 2013 chegan 4 bandas da casa, 4 bandas galegas, e que cantan en galego, loitando pola cultura do país. 4 grupazos como son Estimaba que viñeras, Os Tres Trebóns, Chotokoeu e A Compañía do Ruido. As tres primeiras quedaron o ano pasado coas gañas de saltar ao escenario pero a chuvia empapou a música e non puideron saír.

Con sorpresas

Ademais, este ano hai unha sorpresa espectacular para o fin de festa. Ademais da popular queimada, os asistentes poderán ficar toda a noite bailando con Dj Hadri Hache, que ademais de tocar en Chotokoeu, ten boa música para que ninguén deixe de baixar. Pero nada de zapatilla, música festexeira en clave de fanfarria, balcánica, moito rollo ska... para pechar a noite e tamén entre grupo e grupo.

Un festival, que lembren, é de balde, e ao que cómpre acodir sen botellón para consumir e consumir.

Unha tarde completa

E precisamente haberá de todo para que non falte de nada. Os "Campantes da Baña" andarán pola Festa amenizando a "sesión vermu", i é que dende ás 13.00 horas, xa se pode ir quentando coa degustación de empanadas, mexilóns, longueiróns, chourizos ao viño, xamón asado, orella...

Coa praia Langosteira a un paso, sempre hai tempo para escaparse a dar un baño e voltar para disfrutar da tarde de inchables para os máis pequenos e xogos tradicionais para todos nais, pais, avós, avoas, fill@s, neto@s ... E que boa a recuperación do patrimonio lúdico galego, cos xogos que van artellar como a billarda, a rá, os bólos, a chave, a petanca, a tornela, a arilla... que practicamente non hai moito os veciños de Fisterra e que agora ás novas xeracións nin lles soan con tanta wii...

"Os máis millores", o novo himno da Anchoa

E xa estamos aprendendo o himno na Festa da Anchoa. "Os máis millores", con letra de Manuel Nemiña (Manolo do Xinete) e música de Xurxo Souto (dos Tres Trebóns), que nola envía para que vaiamos practicando e que cando soe da man de toda a banda caia abaixo toda Fisterra!

Anchoa estamos en gherra!!

Máis información

• Facebook da Festa Folk na Fin do Camiño.
• Axenda Sonora da Costa da Morte.
• Axenda Costa da Morte.
• Axenda festivaleira do verán 2013 na Costa da Morte.

Novas relacionadas

• A Anchoa celebra en galego 15 anos de Folk na Fin do Camiño.
• Festa Folk 2012: E a chuVia empapou a música.
• Festa Folk 2011: A Anchoa sacou os cen pés a bailar.
• Festa Folk 2010: A mellor música folk do país invadíu a fin do mundo.
• 2010: Máis de 30 bandas teñen pasado pola Anchoa: 11 anos traendo o mellor folk do país á Fin do Mundo.

Novas festivaleiras

• A Furna do Osmo vivirá unha máxica Noite dos Encantos.
• A Anchoa celebra en galego 15 anos de Folk na Fin do Camiño.
• 9 grupazos para celebrar os #10anosdemusica no Castelo Rock.
• O Festival V de Valarés quenta motores con artistas confirmados.

• 30 anos de folk e festa na Carballeira de Zas.
• Razo vivíu unha fin de semana de surf e pop.
• O Asalto cumplíu a maioría de idade e segue medrando.

Outras novas festexeiras

• Verbena galega, outro xeito de facer festa con música do país.
• A música ghalegha daghora está “On the road”.

Fonte

• Redacción de QPC ([email protected]).