O Bela Fisterra recibe o Premio Ruralka a Mellor Aloxamento Sostible estatal

10:17 23/01/25
Este mércores celebrouse en Madrid a 8ª dos Premios Ruralka ao Turismo Rural. O club de aloxamentos rurais con encanto recoñece con esta iniciativa as propostas máis singulares de toda a península.
E entre os finalistas tiñamos dous establecimentos coruñeses, e un da Costa da Morte: o Entre os Ríos e o Bela Fisterra. Ambos competían polo Premio ao Mellor Aloxamento Sostible 2024, premio que finalmente recaeu no hotel fisterrán.
Ata alí desprazouse Pepe Formoso para recoller o galardón, que valora que “cada detalle deste precioso hotel está pensado para coidar o entorno e promover un impacto positivo, un rincón único onde a tranquilidade do Atlántico se une á maxia de Galicia”.