Corcubión despediu hoxe unha imaxe icónica con máis de 70 anos de historia. As palmeiras da céntrica Praza de Castelao, o corazón da vila de San Marcos, acaban de ser aniquiladas. E iso que o culpable da súa erradicación, o picudo vermello, leva varios anos invadindo a comarca e xa a comezos deste ano alertaban da súa incidencia nas palmeiras corcubionesa.

A falta de acción dende o Concello para parar a praga provocou que a única solución sexa o corte e desaparición. A pesar das constantes peticións da oposición para o seu tratamento, o Concello decidiu, en prol da seguridade, retiralas.

Na vila hai outras palmeiras afectadas (de feito as outras 4 da parte sur da propia praza tamén está afectadas), e haberá que ver que acontece con elas, e a comarca debería prepararse porque esta praga é rapidísima.

Empezaba hai poucos anos por Noia, onde chegaron a tempo e o seu tratamento permitiu manter vivas as da Praza. Por Muros apenas queda 3-4 municipais (quedan vivas só un par de palmeiras particulares en Louro) gracias a seren tratadas con tempo, pero ben é certo que tamén houbo que cortar 7 ou 8. Tamén en Carnota está afectando gravemente, pero o Concello está intentando de salvalas con tratamento.

NOVAS RELACIONADAS

• Alegato urbanístico de Boca de Sapo para Corcubión.
• Setembro 22: As palmeiras da Praza Castelao, afectadas polo picudo vermello, xa caen a anacos.
• Agsosto 22: O picudo vermello segue avanzando e xa afecta a unha Palmeira da mítica Praza Castelao de Corcubión.
• Xaneiro 22: A praga do picudo vermello pon en perigo a superviviencia das palmeiras do sur da Costa da Morte.
• Xaneiro 22: Alertan de que a praga do picudo vermello xa chegou a Corcubión.
• Novembro 21: "Xa non é só por tirala en calquera lado, senón que ademais así propagas a praga do picudo”.
• Marzo 20: O picudo vermello cébase cas palmeiras de Muros.