Preferente: Importante primeira vitoria da SD Sofán

11 do Sofan no Carral set 2023 — 11 do Sofan no Carral

11:38 09/10/23

Importantísima primeira vitoria da SD Sofán nesta campaña. Tras deixar escapar varias vitorias, o equipo de Pablo Torreira foi quen de adiantarse por dúas veces e deixar os puntos da casa, evitando así caer en postos de descenso.

Sofán - As Pontes (2-1)

Sofán: Brais, Iván, Alexandre, Noe, Aarón, Fita, Currás, Braian, Fabián, Bandera, Javi Souto. Tamén: Gardu, Raúl, Taibo, Marcos, Luca, Brais Cancela, Alex Gallego.
Goles: 1-0, m.42: Braian de cabeza; 1-1, m.57: Rubén Rivera; 2-1, m.86: Marcos Montero.

Arrincaba o choque no Carral de poder a poder, cos dous equipos intentando mandar. Pero eran os locais os que máis apretaban cunha boa ocasión Iván Martínez nun córner botado por Bandera, e outra nunha xogada combinativa na que Javi quedou diante do porteiro pero mandou alto. A partir do m.15 igualouse o choque, as Pontes con xogo directo, mesmo mandaba disparo ao longueiro

Facía dano, sobre todo a balón parado, o Sofán e era Braian o que abría o marcador ao fío do descanso.

Arrincaba a segunda metade e o equipo visitante igualaba o partido. Pero o Sofán estaba sendo mellor, e percutía e percutía, con ocasións claras como as de Noé ou Braian, cun bo lanzamento dende a frontal que saíu lambendo o pau. Pero non foi ata os últimos minutos cando Marcos Montero, aproveitando un rexeite do porteiro a un tiro de Javi Souto, acadaría o gol da vitoria. A partir dese gol, co equipo visitante envorcado, as ocasións foron dos locais pero non conseguiron sentenciar a pesar das chegadas de Javi Souto ou de Montero, que deixou un pase da morte que a piques estivo de marcar Taibo.

“Por fin chegou a recompensa dos 3 puntos para un equipo que o merecía polo seu xogo e por como está a adestrar e a pensar xa no seguinte partido”, valora Torreira.