2ª Autonómica: O Fisterra descólgase

2ª Autonómica: O Fisterra descólgase

10:15 23/01/12

Non puido o Fisterra aguantar o ritmo dos Camariñas e Club do Mar e caeu ante a súa besta negra particular. Queda agora a 8 puntos dos colíderes, que non amosan signos de debilidade, e malia que os caioneses sufrían para vencer ao Corcubión, manteñen unha liña impecable.

As novidades tamén chegan pola zona baixa. Aa vitoriaa de Nantón e Mazaricos meten ao San Lorenzo, que non podía co Dumbría B, no segundo posto de descendo directo. O Zas tampouco sae da zona perigosa, e o Castriz métese en problemas. Parece que o Corcubión está na fronteira, unha vez que o filial dumbriés salvaba un partido clave en Verdillo.

Corcubión - Club do Mar (0-1)

CORCUBIÓN: Andrés, José de Atalaya, Sergio Manín, Senra, Conguito, Miguelón, Edu, Camacho (Balucho, min.80), Lourido (Tarrelo, min.85), Mario (Alán, min.75)
CLUB DO MAR: Iago Dans, Chori (Chechu, min.46), Fran Borrazás, Repi, Luis Lareo, Johny, Juan Lareo, Jacobo, Bertín (Manuel, min.89), Santi Silva (Isaac, min.88), Vituco.
Gol: 0-1, min.85: Bertín de cabeza.
Lesión: o corcubionés Sebas no quecemento.

Equipazo o Club do Mar (8 vitorias consecutivas) pasando polo Novo Cubaleiro, pero sufríu a gota gorda para levar os 3 puntos. I é que o equipo de Manín sabe moi ben ao que xoga, e cando se mantén firme, ordenado e serio atrás é moi difícil de superar. O tanto da vitoria chegaba na última xogada do partido cun cabezazo de Bertín a un centro de Jhnoy.

Pero as sensacións en ambos equipos foron positivas, cada un na súa liña. O Corcubión mantiña as liñas moi xuntas e saía con perigosas contras, como as de Lourido e Miguelón, que puideron cambiar o rumbo do partido.
O cadro caionés dominaba o balón, tocaba e tocaba pero non chegaba con demasiado perigo. Si que foi clara a ocasións de Santi Silva que salvou o meta corcubionés Andrés, que se leva facendo coa portería nos últimos partidos en detrimento de Cristian.

Nantón - Fisterra (2-1)

NANTÓN: Ernesto, David Lareo, Diego, Félix, Sito, Carlos Vidal, Fabio, Cristian, Luís, Manolo do Cruceiro, Iván (Eloy, min.88).
FISTERRA: Joselu, Piti, Manuel Cartamil, Nico (Gus, min.44), Pana (Roa, min.50), Santi (Cote, min.50), Guardiola, Roco, Dudo, Mané e Tata (Rivas, min.60).
Goles: 1-0, min.25: Fabio nunha contra de Luís; 1-1, min.75: Mané de penalti; 2-1, min.88: Cristian a centro de Luís nunha rápida contra.
Lesión: Nico.

Xa é o Nantón a particular besta negra dos fisterráns, pois 6 dos 17 puntos dos cabaneses foron conseguidos ante os da vila do Cristo. E iso que xa levaba 8 partidos sen puntuar o Nantón, e que segue con moitas baixas e só 13 xogadores efectivos dos que 3 eran porteiros.

O partido foi como quería o Nantón, o balón dominado polo Fisterra pero non o puideron materializar en boas ocasións. Así matou o partido ás contras o Buño con Fabio e Luís rapidísimos facendo moito dano aos Cartamil, Nico ou Gus.

Ao final o Fisterra buscaba a vitoria e veuse arriba, e cando máis apretaba (unha boa ocasión de Dudo e unha falta de Mané por arriba) chegou unha contra letal que non perdounou Cristian tras unha internada de Luís.

Buño - Camariñas (0-3)

BUÑO: Toni, Eloy, Brais San Luis, Alfredo, Óscar, Jorge, Elías, Ismael, Miguel (Richard, min.55), Juan (Emilio, min.70), Víctor (Rubén, min.75).
CAMARIÑAS: Pablo, Manuel, Paco, Maikel (Diango, min.80), Carlos, Moriño, David, Brais, Javi (Nené, min.65), Juan oBello, Leo (Ogando, min.75).
Goles: 0-1, min.25: Leo nun man a man; 0-2, min.70: Juan oBello; 0-3, min.80: Brais.

3 goles de tres dos pesos pesados do vestiario de Manolín sentenciaron este partido. E iso que ata o minuto 70, co gol de Juan oBello non puido sentarse tranquilo o adestrador camariñán, porque o Buño non daba o partido por perdido e tivo o empate en varias ocasións. Víctor, o matador malpicán, non estivo fino e o seu o pagou deixando o marcador a cero.

O Camariñas cun xogo efectivo, sen demasiados alardes pero cunha firmeza e unha efectividade extraordinaria.

O Pindo - Corme (0-1)

O PINDO: Garrido, Juan Fis, Juan de Dios, Alex (Ángel, min.75), José da Maroca, Manolito (Diego Trillo, min.80), Lolo, Bicho (Diego León, min.65), Hipolito (Carlos, min.65), Carlos Leis, Diego Riolo (Juan Vilela, min.94).
CORME: Suso, Diego (Juanma, min.70), Pandi, Jesus, Adolfo, Adrián Doldan (Chino, min.90), Martinciño (Dani, min.70), Gonzalo (Abel, min.60), Alex, Lucas e Iago.
Gol: 0-1, min.92: Adolfo de cabeza.
Expulsión: Lolo no min.90 tras un carton no min.87 por estorbar nunha falta e no 90 por unha falta moi suave no medio do campo.

Seguramente foi este o mellor partido de O Pindo en toda a tempada, que a pesar de non se xogar nada, saíu a polo partido con todas as súas forzas. Así, os primeiro 15 minutos dominou o balón e ata tivo un par de ocasión claras, pechando ao Corme atrás, pero pouco a pouco foise botando arriba o Corme e houbo un partido moi igualado.

Na segunda parte o Corme asumiu o control do balón, metendo na súa propia área aos locais, malia que o seco céspede de Lombáns non era favorable para o xogo rápido dos visitantes. O cadro local, á contra, creou perigo. Carlos Leis fallou un man a pan co porteiro, xa que lle dou tempo a chegar ao defensa. E xa co partido rematado, cando parecía que un punto quedaría en Lombáns, o árbitro expulsa a Lolo por dúas rigorosas tarxetas. De seguido, os locais protestan un penalti do central cormelán Adolfo sobre Diego Riolo, e para completar a decepción do carnotáns, xa no min.94, unha falta lateral é rematada por Adolfo a gol.

Quedan por Corme encantados con estes 3 puntos chegados no último momento que os mantén na 4ª praza. Pero polo Pindo, malia quedar satisfeitos coa imaxe do equipo a pesar da situación, quedan moi triste pola forma de perder o punto.

Baio - Sofán (4-0)

BAIO: Manuel, Matías, Iván, Iago, Ramón (Freddy, min.80), Eloy, Mario (Rubio, min.70) Javi Suárez, MC, Alberto (Martin, min.75), Canai (Fachal, min.50).
SOFÁN: Luis, Adri, Meni (Gurita), Pensado, Juanjo, Eloy, Suso, Picas, Abel, Edu (Alemán) e Iván.
Goles: 1-0: MC tras unha xogada de Canai; (descanso); 2-0: Javi Suárez; 3-0: Javi Suárez; 4-0: Javi Suárez asina un golazo para completar o triplete.
Expulsións: os sofanístas Iván e Abel tras unha agresión e Eloy na segunda metade.

Partido bronco e duro, que comezaba igualado. Abel avisaba para os visitantes pero dous foras de xogo a Javi Suárez cabreaban aos locais. Canai facía a xogada do primeiro gol que asinaba MC, e o partido endurecíase e a SD quedaba con 9 tras unha agresión, con Iván e Abel nos vestiarios.

Non se calmaron os ánimos tralo descanso e Eloy era expulsado á volta nuns minutos no que había de todo menos fútbol. Foi Javi Suárez o que puxo a calidade e asinou 3 tantos de bella factura para rematar o partido.

San Lorenzo - Dumbría B (0-1)

SAN LORENZO: Recarey, Santi (Anxo, min.75), Adrián, Casillero, Puñal, Killo, Bolón, Cachizo (Dubra, min.75), Marcos (Carlos, min.60), Fuentefría (Eloy, min.70), Jorge.
DUMBRÍA B: Anxo, Yerai, Samuel, David Carreira, José Manuel, Esteban, Riki, Tati (Pereira, min,.70), Miguel Poyo, Pablo Lestón (Iván, min.75), Rodrigo (Adrián, min.46).
Gol: 0-1, min.60: Miguel Poyo regateando ao porteiro nunha contra tras un pase de Pablo Lestón ao oco.
Lesionados: Marcos con rotura de fibras.

Partido moi igualado en Verdillo, no que o San Lorenzo continúa mellorando a súa imaxe. Pero o Dumbría B conseguía unha vitoria importantísima porque de perder meteríase de cheo no grupo de abaixo, e agora míraos dende 8 puntos de vantaxe.

Se ben Riki tivo unha ocasión clara para os visitantes, as máis importantes foron do bando local. Sobre todo tralo gol de Poyo á hora de xogo nunha contra que rompeu o partido por completo. O San Lorenzo buscaba balóns aéreos, con moito balón parado, pero o Dumbría, con dúas liñas de 4 moi xuntas, controlou ben o partido e non permitiu que Anxo sufrise demasiado. Así e todo, Fuentefría cun tiro dende o borde da área, e dúas ocasións de Carlos e Bolón pudieron significar o empate.

Cómpre destacar a volta de Tati aos terreos de xogo, que despois de 3 meses volvía xogar. A ver se Ferrío pode ir recuperando efectivos importantes.

Mazaricos - Esteirana (2-1)

MAZARICOS: Juan, Chico, Casais, Matías, Marcos, Ramón, Rodri (Nakata, min.75), Brais (Aldo, min.65), Estéfano, Rafa (Esteban Pereiro, min.55), Kevin.
ESTEIRANA: Benito, Simón, Suizo (Maxi, min.65), Chispi, Dani Rama, Pichu, Eloy, Uru (Andel, min.65), Isma (Adrián, min.55), Roberto Pladur, Cajulo.
Goles: 1-0, min.20: Kevin tras un balón en profundidade de vaselina ante a indecisión de defensa e porteiro; 1-1, min.35: Roberto Pladur un golazo dende fóra da área a media volta; 2-1, min.89: Ramón mete o pé e o balón entra chorando.

Partido tranquilo no que "nin Goyeneche a liou", como comentaban visitantes e locais. E rematou cunha vitoria moi importante para os mazaricáns que xa levaban 8 partidos sen gañar. E o fixo no minuto 90 cando todo indicaba que o partido remataría en empate cun gol no que o balón entrou chorando.

Foi un encontro sen moito fútbol co campo do Pino do Val moi brando que non favorece as intencións dos de Raúl Periscal, que a pesar da súa situación na táboa sempre buscan o xogo de toque. O Mazaricos buscaba tocar o balón pero imposible no seu propio campo, e ademais do gol, Estéfano mandou ao traveseiro tras un córner e outra de Marcos que non machacou noutro barullo dentro da área.
A Esteirana buscaban a Roberto Pladur e Cajulo arriba, que fixeron dano, sobre todo nunha falta botada polo segundo e unha oportunidade clarísima de Dani Rama.

Muros - Zas (2-1)

MUROS: Fabio (Trozo, min.7), Marco Antonio, Teo, Mayu, Gael, Iván Cerilla (mingos, min.65), Kiko, Alberto (Adrián, min.75), Sexo (Javi, min.80), Aitor, Yanki.
ZAS: Damián, Pereiro (Dani, min.70), Lago, Mancebo (Pichi, min.75), Óliver, Juan, Ramón (Jaime, min.,78), Rubi, Ismael, Peque (Diego, min.75), Pastor
Gol: 0-1, min.46: Jaime de gol pantasma tras un tiro de Rubio que petou no longueiro e botou na liña de gol e o colexiado; 1-1, min.51: Mayuyo tras un erro de Damián na saída; 2-1, min.75: Aitor cun golazo tras un fermoso taconazo de Yanki.
Expulsión: Kiko no min.46 na xogada do gol pantasma.
Lesión: o meta Fabio cunha brecha na fronte tras un golpe con Mayu.

Partido moi bronco, cunha primeira metade igualada sen ocasións e cun colexiado como protagonista sobre todo ao comezo da segunda metade. Foi a xogada clave do partido, a que rompeu o ritmo e que puña o partido nas mans do Zas. Un tiro de Rubio petaba no longueiro, o balón botaba fóra e Jaime remataba na liña de gol pero o meta xuvenil Trozo (tremenda a sangría cos porteiros muradáns) reaccionaba e paraba o balón. Iso si, dentro da liña de gol segundo o colexiado que sinalaba o centro do campo. As protestas acababan con Kiko nos vestiarios e o partido se puña 0-1 e o Muros con 10.

Sen embargo, a xogada favoreceu ao Muros. O Zas perdeu a concentración e o Muros foi a por todas, e con pequeno campo de Miraflores soubo aproveitar as súas armas e non sufrir o estar cun home menos. Dúas xogadas de despiste na zaga visitante permitiron a remontada, unha tras un saque de banda no que Mayuyo segue reafirmando a súa lenda como goleador, e outro nunha fermosa xogada que Yanki cede de tacón a Aitor. Ao final entraron as presas nos visitantes pero o empate non chegou.

Dende Zas, Corredoira analiza o partido como regalado, pois con 0-1 xusto á volta do descanso e co rival quedando con 10. Pero os zaenses continúan na boa liña, cun equipo moi novo, no que participaron ata 4 xuvenís (Pastor, Ismael, Ramón e Óliver).

Castriz - Malpica (0-2)

CASTRIZ: Herrera; Michel, Sergio Pose, (Prego, min.60), Álex, Toniño, (Sergio Gerpe, min.82), Mauri, (Jhony, min80), Martín, (Pablo, min.46),Toño, Sebas, Iván, David Agra.
MALPICA: Suso; Charly, Víctor, Iago, Marco, (Marcos Amado, min.46), Rancaño, Neucha, Cheo, (Dani, min.80), Pablo, (Manu Pardo, min.85), Charro, (Avelino, min.65), Andrés.
Goles: 0-1, min.15: Pablo en velocidade tras un pase longo de Charly; 0-2, min.44: Neucha a centro de Cheo.

Non levanta cabeza esta Castriz, e menos na casa, mentres que o Malpica continúa na boa senda, con 7 xornadas sen perder. Pero o gol inicial de Pablo matou aos xalleiros, que non foron quen de respostar en todo o partido a pesar do bo partido de David Agra que intentou tirar dos seus.

Ao fío do descanso, Neucha facía o 0-2, gol que defintivamente matou as esperanzas rossoneras, pois o equipo apenas apretou na segunda metade, algo máis co corazón de cabeza. Queda agora en dificultades o xalleiro, con 19 puntos, só 3 por riba do San Lorenzo. E queda buscando algún xogador que poida incorporar pra intentar dar un cambio ao xogo.