O Mazaricos pecha o ano cun bo colchón

19:35 20/12/10

Pecha o ano na 3ª da Costa cun Mazaricos á alza. Os de Periscal pegaron un estirón que lles permite ir de vacacións cun colchón de 4 puntos sobre Nantón e Cerqueda e 6 sobre o Corcubión. I é que a vitoria traballada dos mazaricáns ante o Cabana (que queda a 11 puntos) non foi respostada por ningún dos perseguidores. O Nantón non pasaba do empate ante o Coristanco, que aínda mira cara o ascenso. O Cerqueda perdía 2 puntos ante o Pereiriña nun encontro que dominou e no que ata marrou un penalti e o Corcubión pecha o ano nun frouxo momento e non pasou do empate a cero co Independiente.

Cerqueda - Atl. Pereiriña (1-1)

CERQUEDA: Fredi, Rober, Javi, Dani, Nión, Santi, Lorenzo, Josiño (You, min.66), Dieguito (Garrido, min.68), Gabi (Uru, min.46) e Alex.
ATL. PEREIRÑA: Andrés, Yordi, Riki, Mario, Javichu, Alex, Adán, Simón, Villar, Touré e Víctor. Tamén xogou Álvaro.
Goles: 1-0, min.30: Alex; 1-1, min.75: Adán.

O Cerqueda deixou escapar dous puntos ante un rival da parte media baixa da táboa e nun partido no que os de Cee apenas tiveron ocasións de gol. O dominio foi por completo dos locais, pero non estiveron acertados de cara o gol, mesmo Dieguito malogrou un penalti que detivo Andrés, minuto 53, que puido ser a sentenza. Na parte final do encontro unha xogada a balón parado permitiulle a Adán acadar o gol do empate.

Coristanco - Nantón (2-2)

CORISTANCO: Rubén, Cota (Pichel, min.70), Luís, Oscar, Marcos, Mallón (Carlos, min.46), Dani, Fran Fariña (Arantón, min.80), Benitez, Palermo (Iván, min.70) e Toniño.
NANTÓN: Martín, David Lareo (Carlos Santos, min.78), Cristian, Diego, Sito, Fabio, Carlos Vidal, Diego Costa (Pedrito, min.70), Luís, Manolo e Manuel (Martín, min.70).
Goles: 1-0, min.42: Palermo; 2-0, min.62: Toniño, de penalti; 2-1, min.70: Luís, de penalti; 2-2, min.84: Manolo.

Partido de tensión, igualdade e de rivalidade, tanto pola proximidade xeográfica como na táboa clasificatoria. Na primeira metade os porteiros pasaron inadvertidos xa que o encontro se xogou case todo no medio do campo. Chegando o descanso, chegaría o primeiro gol local nun saque de banda en largo que resolveu Palermo nun barullo na área que protestaron moito o equipo cabanés por suposta falta sobre Diego Costa. Na segunda metade seguiu a cousa igual. Pasaba pouco deste período cando o arbitro sinalou penalti a favor do Coristanco que Toniño non desaproveitaría transformando o 2-0 que parecía resolver definitivamente o encontro. Pouco despois o colexiado volvería a pitar outro penalti, esta vez a favor dos visitantes, que Luís non fallaría e lle dou esperanzas o Nantón. A partir de aquí, os blanquillos dérono todo para acadar o empate que chegaría a rendas do final facendo xustiza neste partido entre dous bos equipos.

Corcoesto - Muxía (0-5)

CORCOESTO: Luís, Pepiño, Manuel, Rivera, Edelmiro, Roi, Miguel, Javi, Pablo, Lista e Aitor. Tamén xogaron Germán, Couto, Juan e Pichón.
MUXÍA: Fernando, Conguito, Jose Antonio, Curras, Dani (Fran Pardelo, min.65), Papi, Dimas, Chans, Oscar Canario (Pesqui, min.75), Alvaro (Carliños, min.55) e Pioto.
Goles: 0-1, min.20: Fran Pioto; 0-2, min.30: Chans; 0-3, min.60: Fran Pioto; 0-4, min.75: Chans; 0-5, min.80: Carliños.

Vitoria cómoda do Muxía ante un rival que apenas tirou a porta contraria. A dupla de adestradores do Fisober, Pioto e Chans, marcaron por partida dobre, a piques do final Carliños puxo o quinto e definitivo gol.

Mazaricos - Cabana (3-2)

MAZARICOS: Juan, Marcos, Martín, Chico, Ramón, Brais, Matías (Rodrigo, min.67), EstebanPereiro (Coxo, min.83), Jose Angel (Moncho, min.73), Estefano (Aldo, min.58) e Kevin (Casais, min.87).
CABANA: Dani, Rubén David, Alfredo, Marcos, Sandro, Josiño, Adrian (Jacobo, min.65), Mingui (Dani, min.57), Suso Docampo e Eloi.
Goles: 1-0, min.3: Kevin; 2-0, min.11: Alfredo, en propia porta; 2-1, min.31: Suso Docampo; 3-1, min.69: Aldo; 3-2, min.84: Dani.
Expulsión: O visitante Josiño (min.85) por cartón vermello directo por encararse con Moncho.

Dous goles nada máis comezar o encontro condenaron ao Cabana que logo tentou reaccionar, ao comezo da segunda metade, pero o terceiro gol dos do Pino do Val foi definitivo.

Alcaián - Muros B (4-1)

ALCAIÁN: Herrera, Luisito (Javi, min.85), Paris, Dani (Pablo Framil, min.65), Pio, Pistolas, Portillo, Iván Souto, Víctor, Rubén e Iván Castro (Ñapas, min.55).
MUROS B: Samu, Chema, David, Ramón, Paqui (Casco, min.46), Piru, Pardelo (Xandre, min.61), Mingos, Seluco, Pesco e Ivi.
Goles: 0-1, min.10: Seluco; 1-1, min.25: Pistolas; 2-1, min.50: Víctor, de peanlti; 3-1, min.60: Ñapas; 4-1, min.84: Luisito.
Expulsión: O local Portillo (min.75) por dobre cartón amarelo.

Comezou ben o filial muradán que se adiantou e mesmo lle anularon dous goles que reclamaron intensamente. Na segunda metade a reacción local tivo recompensa e dominaron por completo o choque. Sentouse no banco visitante o míster dos cadetes, Manolo, logo da destitución de Nieto esta semana.

Laxe - Outes (1-1)

LAXE: Jacobo, Óscar, Antonio, Jacinto, Jaja, Lolo, Adán, Rubén (Anxo, min.46), Antonio Castro (Beizana, min.70), Felipe (López, min.86) e Dani (Carlos, min.82).
OUTES: Gato, Primo, Álvaro, Dani, Chúa, Arturo (Martín, min.65), Poque, Fabio (Ángel, min.81), Deivi, Pesco (Damián, min.55) e Mario (Quin, min.55).
Goles: 1-0, min.27: Antonio Castro. 1-1, min.91: Deivi.
Expulsión: Aos locais Jacinto (min.50) e Jaja (min.92), ambos por dobre cartón amarelo.

Ningún dos contendentes acabou conforme co empate acadado no Cabo d’Area. O Outes evitou la derrota marcando un gol no tempo engadido, pero protestou a actuación do colexiado a pesar de que este expulsou a dous futbolistas locais, os defensores Jacinto e Jaja. Con dous futbolistas máis sobre o campo, os visitantes arañaron un punto, pero criticaron o excesivo empeño dos futbolistas do Laxe, que tampouco se foron contentos por deixar escapar dous puntos ao final. Un balón en longo convertido por Deivi no minuto 91 equilibrou o tanto inicial de Antonio Castro, obtido de falta directa.

Xaviña - Lira (2-5)

XAVIÑA: Ivan, Chiribi, Sergio, Javi, Jallejo (Fran), Carlitos , Carlos (Adrián), Brion, Dani (Maikel), Elvis (Chapu) e Yago.
LIRA: Romani, Pelexo (Javi, min.30), Paco, Herminio, Alvaro (Pepiño, min.60), Toni (Yago, min.60), Dani (Suso Patachin, min.46), Marco Antonio, Suso Perico (Victor, min.60), Ancho e Rico.
Goles: 1-0, min.1: Dani; 2-0, min.25: Yago; 2-1, min.46: Ancho; 2-2, min.70: Álvaro; 2-3, min.75: Suso Patachín; 2-4, min.80: Suso Patachín; 2-5, min.90: Pepino.

O Xaviña xogou o seu mellor partido durante a primeira metade. Púxose moi cedo por diante, irían 20 segundos e Dani aproveitaba un pase entre liñas para bater a Romaní. O míster puxo máis renta de por medio no ecuador da primeira metade. Tralo descanso sería o Lira quen lle devolvería a moeda aos locais e marcaba tamén no primeiro minuto. O partido estaba a ser moi igualado, pero co segundo gol esta igualdade acabouse. Nos últimos 20 minutos os locais fóronse mentalmente do choque e acabaron sufrindo unha goleada inxusta.

Corcubión - Independiente Carballo (0-0)

CORCUBIÓN: Cristian, Carlos, Chisco, Sergio Manín, Javi (Manu Fisterra, min.30), Jose, Estrella, Gabriel (Alán, min.70), Edu (Diego Lojo, min.60), Mario (Jonhi, min.80), Manuel Cartamil.
INDEPENDIENTE: Toni (Upi), Manuel, David, Dani (Michel), Panuchi, Moreno, Iván Lorenzo, Brian, Cholo e Ivi.

O lateral dereito Toni tivo que ocupar a portería pola ausencia de porteiros e a verdade que non o fixo nada mal, pois desfixo un par de boas ocasións de gol dos corcubioneses que tiveron máis aposesión do balón e para eles foron as mellores ocasións. Na segunda metade a intensidade dos xogadores locais foi aínda maior, pero non obtívoa recompensa da vitoria. Aínda así os visitantes puidéronse levar os tres punto se dúas xogadas, nunha Ivi lanza unha vaselina que bota preto d aliña de gol e foise por enriba do longueiro en outra Cholo lanzou dende a frontal e Cristian tivo que empregarse a fondo.