Impresionante a participación costeira nas Fases Intercomarcais de Fútbol 8. Unha Fases que chegaron antes de tempo, no medio da tempada, pero por motivos necesarios. I é que este ano o campionato de F8 está organizado pola Federación, e para que cadrasen as datas, e se puidera xogar completa a Liga de Fútbol Sala que organiza o Clube Deportivo Costa da Morte, había que retrasar o comezo da Liga de F8 e había que aceptar que as Fases intercomarcais comezasen a medio camiño.

En todo caso, o #futboldacosta levou 6 representantes a Negreira: os benxamís do Fisterra, os alevíns do EFM Vimianzo e os infantís camariñáns das Baleas ademais dos das EFM Carnota e da Esteirana.

Os benxamíns fisterráns desfacíanse por 4-9 nas semis do Puebla, e superaban ao Negreira na final por 3-8.

A mesma superioridade amosaron os alevíns do EFM Vimianzo, vencendo 13-1 nas semis ao Valga e 1-6 na final ao Negreira.

Pola súa banda, os infantís das As Baleas foron os campións tras superar a dous veciños. En semis venceron aos rapaces da EFM Carnota, mentres que o Mazaricos facía o propio cos da Esteirana. Na final vencían os camariñáns aos mazaricáns, mentres nunha fermosa final de consolación, as EFM Carnota, que repetían participación por 4º ano, vencían a penaltis á Esteirana tras rematar 3-3 o partido.

Fase Provincial

Os 3 equipos estarán este vindeiro domingo nas Fases Provinciais que se celebran na Coruña, ante equipos da zona de Santiago.. Estaremos pendentes de todo o pque poden facer os nosos pequenos.

Pasillo ao campión

E deixamos un par de imaxes que viviron esta fin de semana os campos de Fontenla de Santa Comba e o Xosé Luís Vara de Esteiro. Ambos actos foron para entregar o trofeo de campións ao Xallas de Santa Comba Infantil e mais á Esteirana Cadete, ambos campiós de Liga facendo grandes temporadas.

Máis información

• www.futboldacosta.com.
• Cadros da Copa da Costa 2013.

Novas relacionadas

• Vídeoentrevista de Anxo Garrido con Rochiccioli.
• Os Clubes da Costa piden a unificación das Ligas Xuvenís nunha reunión con pouco aforo.
• 50 anos da Copa da Costa cos Oliver e Benji do Ghañan Style.

Crónicas da semana

• 3ª Autonómica: O Porteño é de 2ª.
• 2ª Autonómica: A Esteirana canta o alirón e os de abaixo xogándose a vida.
• 1ª Autonómica: Triste e cruel adeus á categoría da SD Fisterra.
• Preferente: Máis pendentes do Dubra que dos nosos.
• Resultados e crónica dunha trascendental xornada con ascensos e descensos consumados.

Artigos relacionados

• Alberto Pose: Do auténtico fútbol da Costa. Con Manolín.

Fonte

• Redacción de Deportes de QPC ([email protected]).