Preferente: A complicada xornada sáldase con dous empates e dúas derrotas

Deportes Cee Dumbría Ponteceso Costa da Morte Fútbol da Costa

Preferente: A complicada xornada sáldase con dous empates e dúas derrotas

09:15 26/03/12

Era esta unha xornada complicada para os nosos pois os 4 rivais foron da zona alta.

Espectacular o Soneira, que sacaba un empate ao intratable líder mesmo merecendo os 3 puntos. Un ateigado Municipal de Vimianzo no día do clube recibía a un equipo de 1ª División, e os de Miguel deron a cara. Xa son 7 puntos os que os separan dos postos de descenso.
O outro resultado positivo da xornada, que puido ser mellor, foi o do Santa Comba, ante un Dubra co que mantén a distancia. Iso si, o Laracha, que podía co Dumbría, e o Grixoa, escapan e quedan, co Boiro, con 2 puntos de vantaxe sobre os laranxas. Así e todo a 3ª praza segue estando moi preto.

O Xallas non podía facer nada ante o potente Narón. Os xalleiros seguen con moitas baixas, e mesmo o meta suplente David tivo que xogar de dianteiro, e acabou asinando o gol dos verdes.

Soneira - Compostela (2-2)

SONEIRA: Durán, Ferreiro, Pablo, Martín, Vecino, Mayor (Mauro, min.76), Andrés (Roi, min.90), Michel, Yago (Javi, min.72), Brais (Pichi, min.68) e Vía.
Goles: 1-0, min.28: Vía; 1-1, min.30: David Louro; 2-1, min.44: Iago; 2-2, min.59: Roberto Piñeiro.

De manter a intesidade que mostrou onte o Soneira, o equipo de Miguel non debería pasar apuros de último hora para a salvación. Adiantouse sempre no marcador, pero non puido conter os arreóns dun equipo que esta a descontar as xornadas para xogar en Terceira División. Os de Santiago levaron máis o peso do encontro, pero o bo facer defensivo dos soneiráns fixo que non pasaran demasiados apuros. Comezaron marcando os soneiráns nun córner sacado por Brais que é prolongado no primeiro pau e Vía moi atento no segundo marcaba co pé. Pouco lle durou a alegría aos vimianceses e dous minutos despois, unha falta no borde da área e materializada maxistralmente por David Louro. Cando semellaba que se iría con empate ao descanso, unha boa xogada por banda dereita de Brais que corta para dentro, asiste entre liña para Iago e este a peleandose de costas co central consigue rematar a media volta raso e ao pau longo do porteiro. A ledicia alegrou moito a numerosa aficción vimiancesa. Tralo descanso a tónica foi a mesma, moita seriedade local e maior empurre visitante, pero que non inquedaba a porta de Durán. Ata o minuto 61, cando Roberto Piñeiro recibe entre liñas un balón que manda ao fondo das maias coa zurda e a rentes do pau dereito de Durán. Dez minutos despois puideron adiantarse os santiagueses, pero Vecino sacou da liña de gol cando a ruidosa aficción blanquiazul xa celebraba o gol. No último minuto Javi puido darlle tres puntos que lle vería de perla aos do Val do Soneira, recibe entre liña de Míchel, pero chega un pouco forzado ao balón e o meta Diego tirando ao chan desviou moi xustiño. Ao final reparto de puntos que inxecta moral no equipo local e que non gustou nos composteláns que buscan ascender canto antes.

Narón - Xallas (4-1)

XALLAS: Cheli, Ismael, Iván, Becerra, Álvaro (David, min.67), Ricardo, Rubén, Pío (Óscar, min.50), Luís, Brais, Alexandre.
Goles: 1-0, min.30; 2-0, min.40; 3-0, min.60: 3-1, min.78: David; 4-1, min.85.

Moito Narón para un Xallas, que malia comezar moi ben, non aguantou o ritmo imposto polos ferroláns. Primeira media hora moi boa dos de Iván Cancela, que presionaba moito e non deixaba sacar o balón controlado ao Narón. Pero a partir do gol á media hora, os locais foron moi superiores. Así e todo, antes do descanso e xa 2-0, Brais mandou unha falta ao longueiro, e co 3-1 Alexandre tamén tivo unha gran ocasión para meter aos xalleiros no partido.

Co paso dos minutos o equipo foise achicando, i é que as baixas están facendo mella no cadro, e mesmo acabou o meta suplente David de dianteiro, e ata marcou nun córner. Xa son baixas os Adrián Beiroa (ao Noia), que se suman ás de Álvaro Cancela, Aitor, Martín Barreiro, e Iván Amor.

Laracha - Dumbría (1-0)

DUMBRÍA: Juan, Tantán, Isma, Aarón Fdez., Suso, Luisete (Riki, min.60), Poyo (Toni, min.75), Schuster, Iago, Eloy, Leo.
Gol: 1-0, min.20.

Non puido o Dumbría co potente Laracha malia prantar cara en todo momento. Primeira parte mala dps dumbrieses, que permitiron marcharo cun xusto 1-0 ao descanso.
Pero na segunda estivo moi ben o equipo de José Canosa, buscando o empate en todo momento, que se mereceu pero non acertaron na definición. Luisete, que debutaba, mandou un centro ao poste, e Leo mandou fóra por pouco. Iago tivo a súa opción pero mandou unha vaselina alta. Outro que estivo activo foi Poyo, que lanzou un bo centro ao que non chegou Riki. Xa a falta de 10 minutos, Eloy rematou un centro de Tantán fóra, e co equipo volcado, Juan Purrúa tivo que salvar un man a man dos locais.

Santa Comba - Dubra (0-0)

SANTA COMBA: Diego, Gelo (Agustín, min.46), Angelo, Roberto, Gonzalo, Jota, Doro (José Ángel, min.75), Toni (Orlando, min.67), Noli, Julián, Pablo Baña.
Expulsión: Agustín, min.85.

Non puido pasar do empate o Santa Comba no partido máis interesante da Preferente. E iso que sufríu un expulsado e ao longo da campaña parece que ao cadro laranxa séntalle ben as expulsións e sempre que as sofre, acaba vencendo.

Primeira metade mala para os dous equipos, sen un intensidade, sen ritmo e sen un só tiro a gol. Sen embargo, a segunda metade foi mellor por parte dos laranxas, e ata lanzaron 3 balóns á madeiraa (2 de Noli e unha de Julián).