Preferente: O Soneira saca a cabeza

08:30 24/02/14

Tirou de garra o Soneira para manter o pulso vivo desta Preferente. E levou un partido de tolos, sen un claro director de orquestra dende o banco e pendente do si de Perro Viejo para facerse cos mandos despois da dimisión de Manolito. Este domingo foi o capi, Fran de Urroa, que fixo de adestrador-xogador e o equipo sumou 3 puntos que o devolven á loita.
De tolos tamén foi o choque do XSC, pero este se decantou polo Lemos, deixando aos xalleiros só con 3 puntos por riba do descenso, e a 8 do Soneira.

Na outra liga, na de arriba, compite un Dumbría que cada día está máis engraxado. Onte superou con solvencia ao Residencia, que tamén está na súa liga, e queda na 5ª praza, a só 6 puntos da 3ª praza.

Soneira - Carral (4-3)

SONEIRA: Jose, Chans, Pichi, Baba, Maikel, Fran de Urroa, De La Sierra (Quilmes, min.75), Riki (Leo, min.78), Richi, Javi e Basti.
Goles: 0-1, min.3; 1-1, min.16: en propia porta; 2-1, min.18: Basti; 2-2, min.25; 3-2, min.52: Baba; 3-3, min.63; 4-3, min.88: Basti.
Lesión: De las Sierra cun golpe no xeonllo que pinta mal.

Dous equipos en apuros enfrontábanse no Municipal vimiancés e demostraron, coa cantidade de erros defensivos o por que da súa clasificación. Ademais, viñan tocados ambos polas baixas, e nun Soneira de mínimos, Fran de Urroa, que tomaba o relevo de Manolito trala súa dimisión, só puido contar con 13 xogadores, sen porteiros tirando do xuvenil de primeiro ano, Jose, que fixo o que puido.

Arrincaba un partido de tolos, no que non parecía que as urxencias fixeran gardala roupa. En 25 minutos 4 goles, de ida e volta, e con dúas ocasións co 2-2 para os locais que marraron incomprensiblemente Fran de Urroa e Javi.

Baba facía o 3-2 á volta dos vestiarios, pero non duraba nin 10 minutos a alegría. I é que a can esfolado todo son pulgas, pois no ecuador da segunda lesionábase De la Sierra, e veremos se non é grave.

Segue na UCI o Soneira, que espera convencer esta semana a José Ángel Jose "Perro Viejo", para que se faga cargo do equipo dende esta semana.

Lemos - Xallas Sta Comba (4-3)

XSC: Diego, Rubio, Alberto, Héctor (Cristian, min.15), Alfonso (David, min.80), Jonathan, Richi, César, Mario (Darío, min.70), Jesús e Arnejo (Marcos, min.60).
Goles: 1-0, min.2; 2-0, min.6; 2-1, min.11: Jesús de penalti; 2-2, min.32: Alberto; 2-3, min.44: Richi; 3-3, min.57; 4-3, min.84.

Partido de tolos en Lemos que acabou do bando local. Deixou escapar o XSC un choque que foi capaz de remontar, i é que tras saír durmidos, e meterse o cadro local 0-2 en apenas 6 minutos, nunha fantástica primeira metade os xalleiros marchaban aos vestiarios cun 2-3 e os tantos de Jesús de penalti, Alberto e Richi, este xa co tempo cumplido.

Pero arrincaba de novo a segunda metade co tanto local deixando o partido completamente aberto, e moi tolo. Ida e volta, cos ataques superando ás defensas nunha segunda metade que se decidía contra o final cun tanto dos locais que aproveitaron un novo erro defensivo.

Dumbría - Residencia (4-0)

11 do Dumbria ante o Residencia-Foto-Jorge Parri

DUMBRÍA: Julián, David Carreira (Rudi, min.73), Oscarín, Aarón Fernández, Pablo Conde, Aarón López, Adrián Makaay, Dani Casal (Jesús, min.73), Adrián Nieto (Pablo Muíño, min.58), Iago (Jota, min.64) e Rivi (Luís, min.58).
Goles: 1-0, min.32: Adrián Makaay non perdoa ante Javi Liz tras un gran pase de Aarón Fernández; 2-0, min.54: Adrián Makaay fusila tras un pase de Adrián Nieto ás costas da defensa; 3-0, min.62: Pablo Muíño gánalle ás costas a defensa, intenta o taconazo que rexeita o porteiro pero o atacante dumbriés non perdoa a segunda; 4-0, min.89: Jesús de disparo cruzado tras unha internada de Pablo Muíño por banda.
Campo: Municipal do Conco (Dumbría), uns 150 espectadores.

Capis do Dumbria e Residencia-Foto-Jorge Parri

Un Dumbría, que empezou dubitativo, acabou goleando a un Residencia que foi de máis a menos. Empezou mal o conxunto que hoxe dirixía Ángel, ante a falta por enfermedade de José Canosa, ante un SDC Residencia, que foi mellor nos primeiros minutos e que buscaba crear ocasións con balóns á espalda da defensa, nun partido que estuvo moi condicionado polo aire presente durante toda a tarde. O primeiro aviso foi dos visitantes aos tres minutos, tras un pase de Muíña para Coedo que aproveitando a pasividade da defensa local sacouse un potente disparo que rechazou o longueiro. Dous minutos despois, Hugo cabecea alto un córner sacado por Dani Galán. A partir desto, o Dumbría pouco a pouco foise facendo co control do partido, aínda que sin crear peligro sobre a portería defendida por Javi Liz. Medida a primeira metade, nunha gran xogada do conxunto local, Aarón Fernández cun espectacular pase deixa só a Makaay ante o porteiro do Residencia e o dianteiro do Dumbría resolve de maneira impecable no man a man para poñer o 1 a 0 no instantáneo. A falta dun minuto para chegar ao descanso, tras unha transición rápida dos visitantes, Coedo saca un lanzamento que se estrela contra o lateral da portería defendida por Julián. Á volta dos vestiarios, tan só houbo un equipo sobre o terreno de xogo. O Dumbría pasou como unha apisonadora por encima do Residencia. Avisou Rivi aos trece minutos cun disparo que se foi rozando o pau, pero un minuto despois Makaay fusila a Javi Liz tras un bo pase á espalda da defensa de Adrián Nieto. Os locais seguiron dominando e coa entrada de Pablo Muíño crearon varias ocasións de gol. No minuto 62, o propio Pablo, tras gañarlle a espalda á defensa visitante a punto está de facer o gol do partido cun taconazo que rexeita o porteiro lugués pero o dianteiro non perdona á segunda e fai o 3-0. Dous minutos despois, contragolpe local, Pablo Muíño cede para Makaay pero Javi Liz cunha gran intervención evita o hattrick do atacante dumbriés. Logo dun pase en largo de Oscarín para Pablo Muíño éste encara ao porteiro visitante pero o seu lanzamiento é atallado por Javi sin problemas. No minuto 72, Julián intervendría, de maneira espectacular, na única clara ocasión de gol para o Residencia tras un córner sacado por Raposo que cabecea Hugo. Dez minutos despois daría a réplica o conxunto branco logo dunha gran asistencia de Jota para Makaay que puido cerrar o hattrick pero o seu disparo foise lamendo o pau. A falta dun minuto para que se cumprise o tempo reglamentario, chegaría o cuarto dos locais tras unha internada por banda de Pablo Muíño, que pon o centro para Jesús que bate a Javi Liz cun lanzamento cruzado. Gran detalle dos xogadores do Dumbría co noso compañeiro Jorge Parri, que cando saltaron ao terreo de xogo, todos abrazaron como símbolo de apoio e afecto ao corcubionés, que reaparecía nun campo de fútbol logo da perda do seu pai.