Xoves. 04.06.2020
El tiempo

O BNG de Laxe propón unha mobilización cidadá polo problema cos áridos coa Confraría á fronte

O BNG de Laxe propón unha mobilización cidadá polo problema cos áridos coa Confraría á fronte

Máis dun ano leva o pobo de Laxe pedindo unha solución ao problema cos áridos no porto e na praia. Unha loita comandada polo BNG, que xa esgotou todas as vías institucionais e pide agora unha mobilización cidadá. Así, o grupo da oposición vai presentar unha moción no Pleno para que sexan todos os grupos os que convoquen unha manifestación para o vindeiro xoves de Semana Santa, 5 de abril de 2012 ás 12:00h.

Iso si, considera fundamentais tres apoios: o da Confraría de Laxe, "debe ser a primeira entidade que se sume a esta mobilización, xa que eles son os principias implicados"; o tecido asociativo de Laxe e a Plataforma na Defensa da Costa da Morte.

Máis dun ano de loita

Non entenden dende a oposición que as obras non se teñan xa realizado. "E máis despois de que o Partido Popular apoiase e votase a favor unha Proposición non de Lei do BNG no Parlamento de Galicia na que se comprometía a executar de forma urxente (setembro 2.011) as obras do novo dique e a limpeza das dunas".

I é que a problemática pasou por todos os responsables do BNG nas institucións (Aymerich, Ana Miranda, Jorquera) sen resultado, e Parlamento Galego, Parlamento Europeo e Congreso trataron o asunto, pero sen solucións prácticas.

Agora, afirma o BNG, que o PP conta co poder en Costas e na Xunta de Galicia, non entende por que non desenvolve as obras dunha vez.

Novas relacionadas

Fonte

  • Nota de prensa do BNG de Laxe.

comentarios